आपल्यापैकी अनेकांच्या दिवसांची सुरुवात चहा कॉफीने होते. अनेक अभ्यास आणि संशोधनातून या गोष्टी समोर आल्यात आहेत की, सकाळच्या वेळी कॉफी ही आरोग्यासाठी उत्तम असते. काही जणांना चहा- कॉफीसोबत औषधं घेण्याचीही सवय असते. जर तुम्हालाही अशी सवय असेल तर सावधान व्हा.
तज्ज्ञांच्या म्हणण्यानुसार, असं करणं तुमच्या आरोग्यासाठी धोकादायक ठरू शकतं. चहा आणि कॉफीमध्ये सामान्यपणे कॅफेन, निकोटीन, थियोब्रोमाईन यांच्यासह पाच अल्कलॉईड असतात. यांचं औषधांसोबत रिएक्शन होऊन तुमच्या त्याचे परिणाम कमी करतं. अशी काही औषधं आहेत, जी तुम्ही चहा-कॉफीसोबत घेणं रूग्णांनी शक्यतो टाळावं.
चहा आणि कॉफीमध्ये असलेले घटक एंटीबायोटीक्सच्या औषधांचे परिणाम कमी करते. त्यामुळे तुम्हाला इन्फेक्शन होण्याची शक्यताही वाढू शकते.
काही प्रकारचे पेनकिलर चहा आणि कॉफीसोबत घेण्यास टाळलं पाहिजे. इबुप्रोफेन आणि नेपरोक्सन या पेनकिलर चहा आणि कॉफीसोबत घेतल्याने पोटात जळजळ होण्याची शक्यता अधिक असते.
हाइपोथायरायडिझ्मची औषधं रूग्णांनी कॉफीसोबत घेतली तर त्याचा परिणाम शरीरावर कमी होऊ शकतो.
अस्थमाची औषधं देखील चहा किंवा कॉफीसोबत घेऊ नये. कॅफेनमध्ये ब्रोन्कोडायलेटर असतं, ज्यामुळे औषधांचा परिणाम कमी होऊ शकतो. शिवाय यामुळे डोकेदुखी, अस्वस्थता आणि चिडचिडेपणा या समस्या वाढण्याचा धोका असतो.
डिस्क्लेमर : वरील माहिती आम्ही फक्त वाचक-प्रेक्षकांना देत आहोत. याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.