Health tips for children : स्थूलपणामुळे मुलांच्या बुद्धीवर परिणाम; अभ्यासातून मोठी माहिती उघड

बदलत्या जीवनशैलीमुळे आज अनेक व्यक्तींना लठ्ठपणाचा सामना करावा लागत आहे. फक्त तरुण आणि वृद्ध व्यक्ती नाही तर लहान मुलांमध्ये सुद्धा लठ्ठपणाचं प्रमाण वाढलं आहे. मुलांचं वजन वाढल्याने याचा परिणाम थेट आरोग्यावर आणि मानसिकतेवर होत असतो, असा दावा काही आरोग्य तज्ज्ञांनी केला आहे.

लाहन मुलांच्या आहारात सतत चॉकलेट्स, कोल्डड्रींक्स, फास्टफूड आणि मिठाई असे कार्बोनेटेड आणि उच्च कॅलरीयुक्त पदार्थ असतात. सतत हेच पदार्थ खावेत असं मुलांना वाटतं. त्यामुळे ते हेच पदार्थ सतत खातात. मात्र याने मुलांच्या बुद्धीसह आरोग्यावर आणि मानसिकतेवर गंभिर परिणाम होतो.

लहान मुलांनी बाहेर फिरणे, मौज मजा करणे आणि मनसोक्त खेळले पाहिजे. याने त्यांच्या शरीराची हालचाल होते. मुलं दमतात, पडतात, रडतात या सर्व गोष्टी त्यांच्या आरोग्यासाठी गरजेच्याच असतात. मात्र सध्याची लहान मुलं फोनवर गेम खेळणे आणि तासंतास टीव्ही पाहण्यात आपला वेळ घालवतात. त्यामुळे त्यांच्या शरीराची काहीच हालचाल होत नाही आणि मुलांना सुस्ती चढते. एकाच जागी बसून त्यांच्या शरीरातील स्थूलपणा वाढत जातो.

लहान मुलांना जडतील हे आजार

लहान मुलांना वजन जास्त वाढल्याने मधुमेह, उच्चरक्तदाब आणि हृदयविकारासारख्या गंभीर आजारांचा सामना करावा लागतो. यासह मानसिक ताण आल्याने मुलं नैराश्यात जातात आणि त्यांचा आत्मविश्वास हळूहळू कमी होत जातो. त्याचबरोबर बुद्धीवरही याचा पिरणाम होतो. मुलांना एकाग्रतेने अभ्यास करता येत नाही.

मुलं स्थूल होऊ नये म्हणून अशी काळजी घ्या

मुलं स्थूल होऊ नयेत त्यामुळे त्यांच्या आरोग्यावर विशेष लक्ष दिले पाहिजे. मुलांना पालेभाज्या आणि कडधान्ये खाण्यास दिली पाहिजेत. तसेच मुलांना फोन खेळण्यासाठी वेळ ठरवून द्या. मुलांना बाहेर मैदानात खेळण्यासाठी पाठवा.