Dessert Recipes: सकाळी चहा बनवताना दूध फाटलं? नो टेन्शन! झटपट बनवा डेझर्ट, वाचा रेसिपी

बऱ्याच वेळा सकाळी चहा करताना दूध फाटते. अशावेळी एवढ्या दुधाचे करायचे काय? असा प्रश्न महिलांना पडतो. तर मग आता हे टेन्शन सोडा आणि झटपट केसर पेढा बनवा. दूध आणि केसर दोन्ही पदार्थ आरोग्यासाठी फायदेशीर आहे. केसरमध्ये कॅल्शियम, अँटिऑक्सिडंट्स मोठ्या प्रमाणात असतात. जे तुमचे आरोग्य आणि त्वचा निरोगी ठेवण्यास मदत करतात.

केसर पेढा

साहित्य

• फाटलेले दूध

• साखर

• केशर

• वेलची पावडर

• तूप

• सुकामेवा

कृती

केसर पेढा बनवण्यासाठी सर्वप्रथम खराब झालेले दूध मंद आचेवर गरम करून घ्या. दूध सतत ढवळत रहा त्यामुळे दूध पॅनच्या तळाशी चिकटणार नाही. दूध जसे घट्ट होत जाईल तसे मलईदार होईल. आता दुधात साखर घाला आणि विरघळेपर्यंत ढवळत रहा. दुसरीकडे कोमट दुधामध्ये भिजवलेले केशर फाटलेल्या दुधामध्ये टाका. थोडी वेलची पूड घालून सर्व मिश्रण एकजीव करू घ्या. आता या मिश्रणात तूप घाला. यामुळे मिश्रण घट्ट होईल आणि पॅनला चिकटणार नाही. थोड्या वेळाने गॅस बंद करा. आता हाताला तेल ला‌वून दुधाच्या सारणाचे गोळे करून घ्या आणि मग त्यांना पेढ्याचा आकार द्या. पेढ्यावर कापलेले ड्रायफ्रूट्स लावा. काही काळ हे पेडे फ्रिजमध्ये ठेवा. पेढे थोडे कडक झाल्यावर दुपारचे जेवण झाल्यावर डेझर्ट म्हणून खा.

दूध आणि केशराचे फायदे

• केशर आणि दुधामुळे आपली स्मरणशक्ती वाढते.

• एखाद्य पदार्थामध्ये केशर घातल्यास त्यात पदार्थाची चव आणखी वाढते.

• नियमित केशर खाल्याने दम्याचा त्रास दूर होतो.

• पोटदुखी, ॲसिडीटीवर केशरचे दूध रामबाण उपाय आहे.

• रात्री झोपताना केशरचे दूध पिल्याने शांत झोप लागते.

• त्वचेवरील सुरकुत्या आणि पिंपल्स दूर करून केशर त्वचा मऊ आणि तजेलदार करते.

डिस्क्लेमर : ही फक्त सामान्य माहिती आहे. अधिक तपशीलांसाठी डॉक्टरांशी संपर्क साधा.