Skin Care Routine : झोपताना अशी घ्या त्वचेची काळजी, हेल्दी स्किनसाठी फॉलो करा या टिप्स

Skin Care Tips :

बदलेली जीवनशैली, धूळ, प्रदूषण आणि वातावरणातील बदलामुळे आपल्या आरोग्यावर परिणाम होतो. दिवसभराच्या थकव्यानंतर शरीर निस्तेज होते, त्याचप्रमाणे आपली त्वचा देखील रात्री निर्जीव होऊ लागते.

घराबाहेर पडताना त्वचेला (Skin) भरपूर घाण, प्रदूषण आणि सूर्याच्या अतिनील किरणांचा सामना करावा लागते. अशावेळी त्वचेला दिवसापेक्षा रात्री स्वत:ला दुरुस्त करण्यासाठी अधिक वेळ मिळतो. सुंदर दिसण्यासासाठी आपण त्वचेसाठी अनेक प्रकारचे रासायनिक उत्पादनाचा वापर करतो. त्यामुळे त्वचेवर मुरुमाच्या समस्येला सामोरे जावे लागते.

कितीही महागातली क्रिम लावा किंवा योग्य प्रकारे ट्रिटमेंट (Treatment) घ्या. त्वचा तेलकट तर होतेच पण त्याचबरोबर ती चिकटही होताना दिसून येत आहे. रात्रीच्या वेळी त्वचेमध्ये रक्त प्रवाह चांगला होतो. ज्यामुळे त्वचेला स्वत:ला दुरुस्त करण्यासाठी चांगला वेळ (Time) मिळतो. रात्रीच्या वेळी त्वचेची काळजी कशी घ्यायची? त्यासाठी या स्किन केअर रुटीन फॉलो करा.

• रात्री झोपण्यापूर्वी चेहरा पाण्याने स्वच्छ धुवावा. यासाठी तुम्ही मेकअप रिमूव्हर वापरु शकता. तसेच तेल बेस्ड रिमूव्हरचा वापर करु शकता. यामुळे त्वचा कोरडी पडणार नाही.

• क्लिन्सिंग ही नाईट स्किन केअर रुटीनची महत्त्वाची गोष्टी आहे. ज्यामध्ये तुमच्या त्वचेनुसार कोणतेही क्लीन्सर वापरु शकता. असे केल्याने छिद्र स्वच्छ होण्यास मदत होते.

• झोपण्यापूर्वी चेहऱ्यावर टोनरचा वापर करा. त्वचेसाठी ही सगळ्यात महत्त्वाची गोष्टी आहे.

• त्वचेवर सीरमचा वापर करा. यामुळे त्वचेला अनेक प्रकारच्या समस्यांशी लढण्यास मदत मिळते. त्वचेनुसार सीरम निवडा.

• त्वचेला मॉइश्चरायझ करणे खूप गरजेचे आहे. त्वचेला मॉइश्चरायझेशन केल्याने खराब झालेली त्वचा दुरुस्त होऊ लागते. हे त्वचेला आवश्यक पोषक तत्व प्रदान करण्यास मदत करते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.