फॅटी लिव्हर डिसीज ही जगभरातील सर्वात सामान्य लिव्हरची समस्या आहे. हा आजार बहुतेक वेळा कोणतीही मोठी लक्षणं न दाखवता शरीरात होत असतो. जसा हळूहळू हा आजार वाढत जातो तशी त्याची लक्षणं दिसून येतात. जास्त प्रमाणात मद्यपान हे याचं मुख्य कारण मानलं जातं. त्याचप्रमाणे स्थूलता, टाईप 2 डायबिटीज, उच्च रक्तदाब आणि जास्त कोलेस्टेरॉल यांसारख्या समस्या देखील लिव्हरमध्ये चरबी साचण्यास कारणीभूत ठरतात.
मायो क्लिनिकच्या माहितीनुसार, Metabolic Dysfunction-Associated Steatotic Liver Disease (MASLD) हा आता जगातील सर्वात सामान्य लिव्हरचा आजार झाला आहे. लवकर निदान करणं अत्यंत महत्त्वाचे आहे, कारण उपचार न केल्यास फॅटी लिव्हर पुढे Metabolic Dysfunction-Associated Steatohepatitis (MASH) या गंभीर स्वरूपात बदलतो.
MASH मध्ये यकृताचा आकार वाढणं आणि काही प्रमाणात कॅन्सर होण्याची शक्यता असते. आश्चर्याची बाब म्हणजे याची काही सुरुवातीची लक्षणं तुमच्या चेहऱ्यावर दिसू शकतात. ही लक्षणं नेमकी कोणती आहेत ता पाहूयात.
यकृताच्या कार्यात बिघाड झाल्यास त्याचं एक प्रमुळ लक्षण म्हणजे चेहऱ्यावर सूज येणं. विशेषतः डोळ्यांभोवती आणि गालांवर यामध्ये सूज येऊ लागते. यकृताला हानी झाल्यास आवश्यक प्रोटीन उत्पादन कमी होतं ज्यामुळे शरीरातील द्रव संतुलन आणि रक्ताभिसरणावर परिणाम होतो. चेहऱ्यावरील सूज लवकर ओळखल्यास वेळेत वैद्यकीय तपासणी करून या समस्येवर उपाय केले जाऊ शकतात.
मानेच्या ठिकाणी काळसर डाग दिसणं याला वैद्यकीय भाषेत Acanthosis Nigricans म्हणतात. हे इन्सुलिन रेसिस्टन्सशी संबंधित असतं. रक्तातील इन्सुलिनचं प्रमाण वाढल्यामुळे त्वचेतील रंगद्रव्यांमध्ये बदल होतो आणि त्वचा काळसर दिसू लागते. त्यामुळे तुम्हाला हे लक्षण दिसत असल्यास वेळीच त्यावर उपचार करावेत.
दीर्घकालीन लिव्हरच्या आजारांमध्ये कधी कधी चेहऱ्यावर सतत लालसरपणा, रक्तवाहिन्या दिसणे किंवा काही गाठी-पुरळ दिसू शकतात. हा त्रास केवळ यकृतामुळे होत नाही पण जर तो चेहऱ्यावरील सूज किंवा काळसर त्वचेबरोबर दिसत असेल तर यकृताशी संबंधित समस्या असण्याची शक्यता असते.
फॅटी लिव्हरमुळे कावीळ होण्याचीही शक्यता असते. ज्यामध्ये त्वचा आणि डोळे पिवळसर होतात. हे बिलिरुबिनच्या प्रमाणात वाढ झाल्यामुळे होते. काही लोकांना रक्तात पित्तसाल्ट्स (bile salts) साचल्यामुळे चेहऱ्यावर खाज येऊ शकते.
डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.