Shravan 2025 : श्रावण महिना कधीपासून सुरू होतो? पूजा करताना टाळा ‘या’ चुका

हिंदू धर्मात श्रावण महिन्याला प्रचंड महत्वाचे स्थान दिले जाते. श्रावण महिना हा भगवान शंकराला अर्पण केला जातो. या महिन्यात मांसहार टाळला जातो. तसेच उपवास केले जातात. त्याने आयुष्यात सुख शांती, समृद्धी आणि आशिर्वाद मिळतो. भारतात मोठ्या प्रमाणात लोक या महिन्यात उपवास करतात. चला तर जाणून घेऊ या महिन्याची तारिख आणि काही नियम.

श्रावण महिन्याची सुरुवात

यंदा म्हणजेच २०२५ मध्ये श्रावण महिन्याची सुरुवात जुलै ११ पासून होणार आहे. तर याचा शेवट श्रावण पौर्णिमेला ९ ऑगस्टला होणार आहे. याच दिवशी रक्षाबंधनाचा सण साजरा केला जाणार आहे.

श्रावण सोमवार

श्रावण महिना हा शंकर देवाला समर्पित केला जातो. त्यामुळे या महिन्यातील सोमवारी भक्त कडक उपासना करतात. या महिन्यात भगवान शंकराची आणि पार्वतीची उपासना केली जाते. शिवलिंगाला पाणी, दूध आणि बेलपत्र अर्पण करतात. तसेच जलाभिषेक करतात.

पुढे श्रावण महिन्यात पूजा करताना कोणत्या चूका करू नयेत याबद्दल काही टीप्स दिल्या आहेत. त्याने तुम्ही चूका न करता तुमची भक्ती करून फळ मिळवू शकता.

टीप नंबर 1

शिवलिंगाची पूजा करताना कुंकूवाचा वापर करू नका. कारण शंकर भगवान हे एकांतवासी आहेत.

टीप नंबर 2

शंकराच्या पूजेच्या साहित्यात तुटलेल्या तांदळाचा वापर करू नका. हे तांदूळ अशुद्ध मानले जातात.

टीप नंबर 3

पूजा करणाऱ्याने मांस खाल्लेले नसावे.

टीप नंबर 4

पूजा करताना कधीही तुळशीच्या पानांचा वापर करू नका.