हिवाळा सुरू होताच वाढलेली थंडी, धुकं आणि कोरड्या हवेमुळे श्वसनविकारांची प्रकरणं वाढू लागली आहेत. यामध्ये सर्वाधिक वाढ ही न्यूमोनिया या संसर्गजन्य फुफ्फुसांच्या आजारात दिसतेय. जेव्हा तापमानात घट होते तेव्हा अनेकांना फुफ्फुसांच्या समस्यांचा सामना करावा लागतो.
खारघरच्या मेडिकव्हर हॉस्पिटल्समधील फुफ्फुसविकार तज्ज्ञ डॉ. शाहिद पटेल यांनी सांगितलं की, लहानांपासून ते वयोवृद्धांपर्यंत सर्वच वयोगटात न्यूमोनियाचा संसर्ग आढळून येतो. यामध्ये खोकला येणे, ताप आणि थंडी वाजून येणे श्वास घेण्यास त्रास होणे, श्वास घेताना किंवा खोकताना छातीत दुखणे आणि अंगदुखी सारखी लक्षणं दिसून येतात.
न्यूमोकोकल लस ही तीव्र बॅक्टेरिया संसर्गापासून संरक्षण करते. दोन वर्षाखालील मुलं, 65 वर्षावरील व्यक्ती आणि कोमॅार्बिडीटीज असलेल्या व्यक्तींनी डॉक्टरांच्या सल्ल्यानुसार लसीकरण करणे महत्वाचे आहे. ही लस संसर्ग रोखण्यास मदत करते आणि संसर्ग झाल्यास त्या संसर्गाची तीव्रता कमी करण्यास मदत करते.
साबणाने स्वच्छ हात धुवावे, गरज पडल्यास सॅनिटायझरचा वापर करणं आणि आजारी व्यक्तींशी जवळचा संपर्क टाळणं गरजेचं आहे. गर्दीच्या ठिकाणी वावरणं टाळा आणि बाहेर पडताना मास्कचा वापर करा.
फळे, भाज्या आणि तृणधान्यांनी समृद्ध संतुलित आहाराची निवड करा आणि रोगप्रतिकारक शक्ती वाढवा. हायड्रेटेड रहा, नियमित व्यायाम करा आणि ७ ते ९ तासांची पुरेशी झोप घ्या.
धूम्रपान, सेकंड हॅंड स्मोकींग किंवा वायू प्रदूषणाने फुफ्फुसांच्या आरोग्यावर परिणाम होतो आणि संसर्गाची शक्यता वाढते. बाहेरील हवेची गुणवत्ता खराब असताना शक्यतो घराबाहेर पडणे टाळा.
न्यूमोनिया च्या उपचारांमध्ये अँटीबायोटिक्स किंवा अँटीव्हायरल औषधांचे सेवन करणे, श्वास घेण्यास त्रास होत असल्यास ऑक्सिजन थेरपी, गंभीर प्रकरणांमध्ये रुग्णालयात दाखल करणे, पुरेशी विश्रांती घेणे, आहारात द्रवपदार्थांचा समावेश करणे आणि उपचार हे रुग्णाच्या गरजेनुसार तयार केले जातील. वेळीच निदान व उपचाराने न्युमोमियामुळे होणारी गंभीर गुंतागुत टाळता येते
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.