Eye Care: उन्हाळ्याच्या दिवसात वाढतायत 'डोळे येण्याच्या' समस्या; जळजळ आणि लालसरपणा कसा कराल कमी, जाणून घ्या

Pink Eyes: उन्हाळा सुरु झाला असून आरोग्याच्या समस्यांमध्ये मोठ्या प्रमाणात वाढ होतेय. यामध्ये डोळ्यांच्या समस्यांचाही समावेश आहे. याची लक्षणं काय आहेत आणि यावर कशा पद्धतीने उपचार करू शकतो ते पाहूयात.
pink eyes problems
pink eyes problemssaam tv
Published On

उन्हाळ्यात सामान्यपणे डोळ्याच्या समस्या अधिक प्रमाणात उद्भवतात. यामध्ये डोळं येणं ज्याला सामान्यपणे 'पिंक आय' म्हटलं जातं. ही समस्या डोळ्याच्या आतील पापणीचा आणि डोळ्याच्या पांढऱ्या भागाचा आच्छादन करणाऱ्या पारदर्शक पातळ ऊतींच्या थराचा दाह मानला जातो. उन्हाळ्याच्या महिन्यांत, पर्यावरणीय घटकांच्या एकत्रित परिणामामुळे डोळे येण्याच्या समस्या वाढतात.

डोळे येण्याची कारणं

मुंबईतील ओजस मॅक्सिव्हिजन आय हॉस्पिटल्समधील MBBS, MS (ऑप्थेल्मोलॉजी), FVRS रेटिना वरिष्ठ सल्लागार नेत्रतज्ज्ञ डॉ. रोहन एन. देधिया यांनी सांगितलं की, उन्हाळ्यात, डोळे येणं विषाणूजन्य किंवा जीवाणूजन्य संसर्ग, अ‍ॅलर्जन्स घटकांमुळे उद्भवू शकतो. विषाणूजन्य डोळे येणं सर्वाधिक सामान्य असून अत्यंत संसर्गजन्य आहे. हे मुख्यतः तलावातील दूषित पाण्याच्या संपर्कातून किंवा अस्वच्छ हातांनी डोळ्यांना स्पर्श केल्याने पसरतो.

pink eyes problems
Face Tells About Your Health: तुमचा चेहरा सांगतो तुम्ही आहात आजारी; हे ३ बदल दिसून आल्यास वेळीच व्हा सावधान

जीवाणूजन्य डोळे येणं देखील थेट संपर्कातून पसरतो आणि तो अपुरी स्वच्छता किंवा सामायिक टॉवेल्स आणि सौंदर्यप्रसाधने वापरण्यामुळे होतो. अ‍ॅलर्जिक डोळे येणं मात्र, गरम हवामानात वाढलेले परागकण, धूळ किंवा वायू प्रदूषणामुळे होतो. अतिप्रमाणात सूर्यप्रकाश आणि घाम यांचाही डोळ्यांवर परिणाम होतो, ज्यामुळे डोळे येण्यासारखी समस्या उद्भवते

pink eyes problems
Heart disease : भारतीयांमध्ये का वाढतंय हृदयाच्या आजारांचं प्रमाण? तज्ज्ञांनी सांगितलं 'हे' एक प्रमुख कारण

लक्षणं काय दिसून येतात?

नेहमीची लक्षणं म्हणजे डोळे लाल होणं, खाज येणं, जळजळ होणं, अधिक प्रमाणात पाणी येणंआणि डोळ्यात कचकच होणं. डोळ्यांमधून येणारा स्त्राव—विषाणूजन्य प्रकरणांमध्ये पारदर्शक आणि पाणचट, तर जीवाणूजन्य प्रकरणांमध्ये पिवळसर किंवा हिरवट आणि चिकट हे आणखी एक महत्त्वाचं लक्षण आहे. अ‍ॅलर्जिक डोळे येण्यामध्ये सामान्यतः दोन्ही डोळ्यांत तीव्र खाज आणि पापण्या सूजलेल्या दिसतात.

pink eyes problems
Dark underarms: दह्यामध्ये 'हा' १ पदार्थ मिसळून तयार करा पेस्ट; अवघ्या १० मिनिटांत दूर होईल अंडरआर्म्सचा काळपटपणा

यावर कसे करू शकतो उपचार?

डोळ्यांच्या समस्यांचे उपचार हे कारणावर अवलंबून असतात. विषाणूजन्य डोळे येणं सहसा एक ते दोन आठवड्यांत आपोआप बरे होतात. थंड पट्ट्या आणि डोळ्यांचे लुब्रिकंट डॉप अस्वस्थता कमी करतात. जीवाणूजन्य डोळे येण्यासाठी डोळ्यांचे अँटिबायोटिक ड्रॉप्स किंवा मलम आवश्यक असतं. अ‍ॅलर्जिक डोळे येणे यासाठी डोळ्यांचे अँटीहिस्टामिन किंवा अँटी-इन्फ्लेमेटरी ड्रॉप्स सामान्यतः सुचवले जातात.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com