Passport: पासपोर्ट बनवणे होणार सोपे; व्हेरिफिकेशनवेळी नाही चालणार पोलिसांची 'दादागिरी'

Foreign Minister S. Jaishankar : पासपोर्ट सेवा दिनानिमित्त माध्यमांशी बोलताना परराष्ट्र मंत्री एस. जयशंकर यांनी पासपोर्टच्या सेवा संदर्भात माहिती दिली. पासपोर्ट बनवण्याची प्रक्रिया सोपी करण्यात आली असून यातील सर्वात मोठा घटक म्हणजे पोलीस व्हेरिफिकेशन यातील अडचणी दूर करण्यात आल्याची माहिती त्यांनी दिलीय.
Foreign Minister S. Jaishankar
Foreign Minister S. Jaishankar

पासपोर्ट मिळवणे आता सोपे होणार आहे. ही प्रक्रिया सोपी आणि सरळ व्हावी यासाठी परराष्ट्र मंत्रालय राज्ये आणि केंद्रशासित प्रदेशांच्या पोलिसांच्या सहकार्याने उपाय शोधत आहे. ज्यामुळे नागरिकांना सोप्या पद्धतीने पासपोर्ट मिळेल. पासपोर्ट सेवेसाठी मंत्रालयाने 440 पोस्ट ऑफिसमध्ये पासपोर्ट सेवा केंद्रे स्थापन केल्याची माहिती परराष्ट्रमंत्री एस. जयशंकर यांनी दिली. ते पासपोर्ट सेवा दिनानिमित्त माध्यमांशी बोलत होते.

पासपोर्टसंदर्भात अधिक माहिती देताना जयशंकर म्हणाले ९३ पासपोर्ट सेवा केंद्रे आहेत. सध्या देशात ५३३ पासपोर्ट प्रक्रिया केंद्रे आणि ३७ प्रादेशिक पासपोर्ट कार्यालये आहेत. परराष्ट्र मंत्रालयाने विदेशातील १८७ भारतीय मिशन्सनाही त्याच्याशी जोडले आहे. पासपोर्ट काढण्यात सर्वात मोठी अडचण येत ती म्हणजे पोलीस व्हेरिफिकेशनच्या वेळी. अनेक वेळा पोलीस व्हेरिफिकेशनच्या नावाखाली अर्जदारांची छळवणूक करतात. हीच समस्या परराष्ट्र मंत्रालय हा प्रश्न सोडवण्याचा प्रयत्न करत आहे.

पोलीस व्हेरिफिकेशनला गती देण्यासाठी 'mPassport पोलीस ॲप' सुरू करण्यात आलंय. यासह २५ राज्ये आणि केंद्रशासित प्रदेशांची ९ हजार पोलीस ठाणी जोडली गेलीत. यासोबतच कागदविरहित कागदपत्रांसाठी पासपोर्ट सेवा प्रणाली डीजी लॉकरशी जोडण्यात आलीय. त्यामुळे पोलीस पडताळणीचे काम सोपे होणार असल्याची माहिती परराष्ट्र मंत्री जयशंकर यांनी दिलीय.

परराष्ट्र मंत्रालयाने गेल्या वर्षी २००३ मध्ये १.६५ कोटी पासपोर्ट संबंधित सेवा दिल्या. २०२३ मध्ये मासिक पासपोर्ट अर्जांची संख्या १४ लाखांवर गेली होती.पासपोर्टचा नागरिकांच्या विकासात मोठा वाटा आहे. याचा थेट परिणाम देशाच्या विकासावर होतो, असं परराष्ट्र मंत्री म्हणालेत.

Foreign Minister S. Jaishankar
Kerala New Name : केरळचे नाव बदलणार; विधानसभेत प्रस्ताव पारित, केंद्र सरकार काय निर्णय घेणार?

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com