Parenting Tips : पहिल्यांदाच आई बनलेल्यांनी 'या' चुका करु नका, बाळावर होईल विपरीत परिणाम !

Parenting Tips : मूल जन्माला आल्यानंतर पालकांच्या जबाबदाऱ्या वाढतात. नुकतीच आई झालेल्या महिलेची तर तारेवरची कसरत असते. खाण्यापिण्याच्या गोष्टीपासून ते झोपण्याचे वेळेपर्यंत कोणतीच गोष्टही निश्चित नसते. नवजात बाळ हे अधिक लहान असते. त्याला सतत प्रेमाची गरज असते.

लहान मुलांची रोगप्रतिकारकशक्ती कमकुवत असल्याने ते सहजपणे आजारांना बळी पडतात. जेव्हा नवजात बाळाच्या संगोपनाशी संबंधित सर्व गोष्टींबद्दल प्रथमच मातांना जास्त माहिती नसते तेव्हा समस्या आणखी वाढतात. अशा परिस्थितीत, तुम्ही पहिल्यांदाच आई झाल्या असाल तर नवजात बाळाच्या या गोष्टींची विशेष काळजी (Care) घ्या.

नवजात बाळाची काळजी घेताना या गोष्टी लक्षात ठेवा-

1. स्वच्छता

नवजात मुलाची प्रतिकारशक्ती कमकुवत झाल्यामुळे ते लवकर आजारांना बळी पडतात. अशा परिस्थितीत मुलाच्या आणि त्याच्या सभोवतालच्या स्वच्छतेची विशेष काळजी घ्या. जर एखाद्या व्यक्तीने मुलाला आपल्या मांडीवर घेतले, तर हात व्यवस्थित धुल्यानंतरच मुलाला उचलावे. तसेच मुलाला आजारी व्यक्तीपासून दूर ठेवा, स्वतःला किंवा इतर कोणालाही मुलाचे चुंबन घेऊ देऊ नका. बाळासाठी अत्यंत सुगंधी वस्तूचाही वापर करु नका. हे बाळासाठी हानिकारक असू शकते.

2. वेळेवर लसीकरण

मुलाला आजारांपासून दूर ठेवण्यासाठी, वेळोवेळी लसीकरण करणे फार महत्वाचे आहे. तुमच्या मुलाची एकही लस चुकवू नका, डॉक्टरांनी सांगितलेली लस ठराविक अंतराने घ्या.

3. बाळाचे रडणे

बहुतेकदा बाळाचे (Baby) रडणे भूक आणि झोपेशी जोडलेले असते. पण बाळाच्या रडण्यामागे इतरही अनेक कारणे असू शकतात हे नव्या आईने समजून घेतले पाहिजे. प्रत्येक वेळी मूल भूक लागल्याने किंवा झोपेमुळे रडत असेलच असे नाही. अशा परिस्थितीत, आईने सतर्क राहून मूल का रडत आहे याची खात्री केली पाहिजे. कधीकधी ओलेपणा आणि पोटदुखीमुळे बाळ रडते. बराच वेळ डायपर घातल्यानंतरही अस्वस्थ वाटून मूल रडायला लागते.

4. बाळाची मालिश

मुलाच्या विकासासाठी आणि काळजी घेण्यासाठी, आपण दररोज बाळाची मालिश केली पाहिजे. यामुळे मुलाची हाडे मजबूत होतात. तुम्ही बाळाला दिवसातून दोनदा मालिश करू शकता. असे करताना लक्षात ठेवा, बाळाला फक्त हलक्या हातांनी मसाज करा.

5. माता आणि मुलांचे पोषण

नवजात बालक पूर्णपणे आईच्या दुधावर अवलंबून असते. अशा परिस्थितीत आईचा आहार संतुलित आणि पौष्टिक असणे अत्यंत आवश्यक आहे. आईने आपल्या आहाराची विशेष काळजी घेतली पाहिजे जेणेकरून त्याचा मुलावर वाईट परिणाम होणार नाही. स्तनदा मातेने आपल्या आहारात सुका मेवा, दलिया यासारख्या पौष्टिक अन्नाचा समावेश करावा. जेणेकरून बाळासाठी पुरेसे दूध येईल.