Navratri Special Recipe 2022 : नवरात्रीच्या उपवासात खा; 'हा' स्पेशल रायता, अपचनाची समस्या होईल दूर !

Navratri Special Recipe 2022 : काही दिवसातच नवरात्री सुरु होणार आहे. या नऊ दिवसात नवदुर्गेची पूजा केली जाते. या दिवसात अनेक लोक व्रत करुन देवीची मनोभावे पूजा करतात.

नवरात्रीला (Navratra) उपवास ठेवणे शुभ मानले जाते आणि हिंदू भक्त देवी दुर्गाला प्रसन्न करण्यासाठी आणि आशीर्वाद मिळविण्यासाठी नऊ दिवस उपवास करतात. मात्र, उपवासात काय खावे आणि काय खाऊ नये, याबाबत नेहमीच संभ्रम असतो. उपवास करताना पौष्टिक पदार्थांचे सेवन करणे आणि शरीराच्या उष्मांकाची गरज पूर्ण करणे तितकेच महत्वाचे आहे ज्यामुळे तुम्हाला अधिक त्रास होणार नाही.

त्यासाठी रायता ही उत्तम व्रत रेसिपी आहेत कारण ती बनवायला सोपी, जास्त प्रथिने आणि फायबरने समृद्ध असलेली आहे. जाणून घेऊया त्याबद्दल.

अननसाचे सेवन केल्याने हाडे मजबूत होण्यास मदत होते. यामध्ये मँगनीज आणि कॅल्शियम असते, ज्यामुळे हाडांचे आरोग्य सुधारते. अननसमध्ये अँटी-इंफ्लेमेटरी गुणधर्म आढळतात, ज्यामुळे दमा आणि जळजळ होण्याची समस्या दूर होते.

साहित्य:

अननसाचा प्लप - १/२ कप

साखर (Sugar) - १/४ कप

अननसाचे तुकडे - १ कप

ताजे दही - १ कप

भाजलेली जिरेपूड - १ मोठा चमचा

काश्मिरी लाल मिरची पावडर - १/२ चमचा

मीठ चवीनुसार

कृती

१. कढईत अननसाची प्युरी घालून थोडा वेळ फेटून घ्या. साखर घालून थोडावेळ उकळू द्या.

२. नंतर अननसाचे तुकडे घाला आणि त्याचा वास जाईपर्यंत उकळू द्या. गॅस बंद करा आणि थंड होऊ द्या.

३. १ कप दही घेऊन ते चांगले फेटून घ्या, त्यात थंड केलेले प्युअर केलेले अननस घाला. मीठ, भाजलेले जिरे आणि तिखट घाला.

४. चांगले मिसळा आणि थंड करा. बिर्याणी, पुलाव किंवा कोणत्याही पंजाबी पदार्थासोबत सर्व्ह करा.