Nag Panchami 2024: यंदा नागपंचमी कधी आहे? कालसर्प दोषापासून मुक्त होण्यासाठी पूजेचा शुभ मुहूर्त काय?

श्रावणातला पहिला सण म्हणजे नागपंचमी. हिंदू धर्मात नागपंचमी या सणाला अत्यंत महत्व आहे. श्रावण महिन्यातील शुक्ल पक्ष पंचमी तिथीला नागपंचमी सण साजरा केला जातो. या दिवशी घरोघरी नागाची पूजा केली जाते. यामुळे नागदेवता प्रसन्न होते.

कधी आहे नागपंचमी

यंदा नागपंचमी हा सण ९ ऑगस्ट २०२४ रोजी साजरी होईल. श्रावण महिन्याच्या पाचव्या दिवशी नागपंचमी हा सण साजरा केला जातो.

नागपंचमी शुभ मुहूर्त

९ ऑगस्ट २०२४ रोजी नागाची पूजा करण्याचा शुभ मुहूर्त पहाटे ५ ते ८ आहे. या दिवशी तीन तासांचा हा काळ पूजेसाठी अत्यंत शुभ असेल.

नाग पंचमी पूजा विधी

हिंदू धर्मात नागपंचमी या सणाला विशेष महत्व असून प्राचीन काळापासून या दिवशी नागाची पूजा केली जाते. शेतकरी नागपंचमीच्या दिवशी सुख, समृद्धी आणि पिकांचे रक्षण व्हावे यासाठी शेतात नागांची पूजा करतात.या दिवशी घरोघरी मातीच्या नागाची पूजा दुधाने स्नान घालून केली जाते. नागदेवतेला दूध, साखर, लाह्या यांच्या नैवेद्य देखील दाखवला जातो.