Nag Panchami 2025 : नाग पंचमीच्या तारखेपासून ते पूजेची पद्धत सर्व माहिती घ्या जाणून

नागपंचमी हा सण महाराष्ट्रात महिला मोठ्या उत्साहाने पार पाडतात. श्रावणात हा सण आल्याने हा सण अत्यंत शुभ मानला जातो. हा सण नागांना समर्पित आहे. यंदा नागपंचमी २८ जुलै२०२५ पासून ते ३० जुलैपर्यंत असणार आहे. नागपंचमी गी शुक्ल पक्षातील पंचमी तिथीला साजरी केली जाणार आहे.

नागपंचमी नेमकी कोणत्या तारखेला म्हणजेच २८ की २९ जुलैला साजरी होणार? हे आपण जाणून घेऊयात. तर यंदा नागपंचमी ही पंचांगानुसार २९ जुलै रोजी साजरी केली जाणार आहे. नागपंचमीचा शुभ मुहूर्त हा २९ जुलै रोजी सकाळी ०५.४१ ते ०८.२३ पर्यंत असेल. या दिवशी नाग देवतेची पूजा केल्याने कुंडलीत असलेल्या कालसर्प दोषाचा नकारात्मक प्रभाव कमी होतो. तसेच घरात सुख, शांती आणि समृद्धी येते असे म्हटले जाते.

नागपंचमीची पूजा कशी करावी?

सकाळी अंघोळ करुन स्वच्छ कपडे परिधान करा. मग नाग देवतेची मूर्ती किंवा चित्र एका लाल कापडावर ठेवा. जर मुर्ती नसेल तर तुम्ही पिठाचा नाग बनवू शकता. आता नाग देवतेला दूध, पाणी, हळद, रोली, तांदूळ, फुले आणि मिठाई अर्पण करा. मग 'ओम नागदेवाय नम:' या मंत्राचा जप करा.