Makar Sankranti 2024 Recipe: तीळ आणि गुळापासून बनवा चविष्ट गोडाचा पदार्थ, लाडू-चिक्कीसाठी बेस्ट पर्याय; पाहा रेसिपी

Til Gul Recipe :

जानेवारी महिना सुरु झाला की, अनेकांना मकर संक्रांतीचे वेध लागतात. यंदा ही मकर संक्रांती १५ जानेवारीला साजरी केली जाणार आहे. या दिवशी तिळाचे आणि गुळाचे पदार्थ खाल्ले जातात.

हिवाळ्यात तीळ आणि गुळाला अधिक महत्त्व आहे. मकर संक्रांतीला गुळाची चिक्की, तिळाचे लाडू आणि तिळ गूळ अशा अनेक पदार्थांची (Food) चव चाखली जाते. जर तुम्ही देखील तेच तेच पदार्थ खाऊन वैतागले असाल तर ट्राय करा तीळ-गुळाचा हलवा. पाहूया रेसिपी (Recipes)

1. साहित्य

• १/२ कप रवा

• १/२ कप पांढरे तीळ

• १/२ कप तूप

• १ मूठभर ड्रायफ्रुट्सचे तुकडे केले

• चवीनुसार गूळ (Jaggery)

• चिमूटभर वेलची पावडर

• आवश्यकतेनुसार पाणी

2. कृती

• तीळ आणि गुळाचा हलवा बनवण्यासाठी रात्रभर तीळ पाण्यात भिजत ठेवा आणि दुसऱ्या दिवशी सकाळी त्याची घट्ट पेस्ट तयार करून घ्या.

• त्यानंतर कढईत तूप गरम करून त्यात रवा लालसर होईपर्यंत भाजून घ्या.

• त्यात तिळाची पेस्ट घालून मंद आचेवर ढवळत राहा. त्याच्या गुठळ्या होणार नाहीत याची काळजी घ्या.

• तिळाचा रंग सोनेरी झाल्यावर त्यात पाणी घाला. आता रवा आणि तिळाची पेस्ट चांगली शिजू द्या.

• हलवा शिजल्यावर पाणी पूर्ण सुकल्यावर त्यात गूळ, वेलची पूड आणि ड्रायफ्रुट्स घालून मिक्स करा.

• हलवा चांगला शिजला आणि कढईतून वेगळा होऊ लागला की, गॅस बंद करून सर्व्ह करा.