Zunka Recipe : गावरान चव मिळेल फक्त १५ मिनिटांत; बनवा झणझणीत झुणका, नोट करा पारंपरिक रेसिपी

झुणका नाव ऐकताच अनेकांच्या तोंडाला पाणी सुटते. झुणका भाकर महाराष्ट्राची शान आहे. गरमागरम झुणका-भाकरी खाण्याचा आनंद काही वेगळा आहे. झुणक्यात बारीक कांद्याची पात झुणक्याची चव वाढवते. झुणका भाकर हा महाराष्ट्रीयन पारंपरिक अतिशय लोकप्रिय पदार्थ आहे. झुणका हा पदार्थ गरमागरम भाकरी सोबतच खायला छान लागतो.

झुणका हा दोन प्रकारे बनवता येतो.

• पातळ झुणका

• मोकळा झुणका

गावरान झुणका रेसिपी

साहित्य

• कांद्याची पात

• तेल

• जिरे

• मोहरी

• हिंग

• लसूण

• कांदा

• बेसन

• पाणी

• कोथिंबीर

• लाल तिखट मसाला

कृती

झणझणीत झुणका बनवण्यासाठी सर्वप्रथम एका भांड्यात तेल गरम करून घ्या. यामध्ये जिरे, मोहरी, हिंग, लसूण घालून फोडणी द्या. आता या फोडणीमध्ये कांदा, लाल तिखट मसाला घालून छान मिक्स करून घ्या. तुमच्या सोयीनुसार यात बेसन घालावे आणि छान परतून एकजीव करून घ्या. थोडे पाणी झुणक्यावर शिंपडा. कांद्याची पात घालून छान मिक्स करून घ्या. झुणका छान घट्ट होत नाही तोवर शिजवा आणि ढवळत रहा. सर्वात शेवटी झुणक्यावर बारीक चिरलेली कोथिंबीर घाला आणि गरमागरम भाकरीसोबत आस्वाद घ्या.

अनेकांना प्रवासातही घरी बनवलेले पदार्थ लागतात. अशात तुम्ही झटपट आणि थोडा जास्त काळ टिकेल असा झुणका प्रवासामध्ये ही खाऊ शकता. झुणका बनवताना बेसन नीट भाजल्यामुळे ॲसिडीटीची समस्या उद्भवत नाही. तसेच प्रवासात पोट देखील भरलेले राहते. यामुळे बाहेरचे खाणे टाळले जाते. जे आरोग्यासाठी फायदेशीर ठरते.