उठता - बसता हाडांचा कटकट आवाज येतो? तिशीतच गुडघेदुखीनं त्रस्त; किचनमधील खा 'हा' पदार्थ, व्हाल फिट

वय वाढत असताना आपली हाडे देखील कमकुवत होतात. ज्याला ऑस्टियोपोरोसिस असे म्हणतात. दरम्यान, लाईफस्टाइलमध्ये झालेले बदल, जेवणाच्या वेळेत बदल आणि पोषणाच्या कमतरतेमुळे तारूण्यातही हाडे ठिसूळ होतात. दरम्यान, हाडांना मजबूत करण्यासाठी आहारात काही पदार्थांचा समावेश करणं अत्यंत गरजेचं आहे. अन्यथा हाडं अधिक कमकुवत होतात.

योग्य आहार घेतल्याने तुमची हाडे वृद्धापकाळातही मजबूत राहू शकतात. कॅल्शियम आणि व्हिटॅमिन डी समृद्ध असलेले हे पाच पदार्थ नियमित खा. यामुळे हाडं निरोगी राहतील. तसेच वृद्धापकाळात गुडघेदुखीचा त्रासही सतावणार नाही.

दुग्धजन्य पदार्थ

दूध, दही आणि चीज हे कॅल्शियमचे सर्वोत्तम स्त्रोत आहेत. दह्यामध्ये प्रोबायोटिक्स देखील असतात. जे कॅल्शियम शोषण्यास मदत करतात. तसेच हाडांना मजबूत करतात. यासाठी आपल्या आहारात नियमित दुग्धजन्य पदार्थांचा समावेश करा. यामुळे आरोग्यही निरोगी राहिल.

ड्रायफ्रूट्स

बदाम, चिया सिड्स आणि तीळ हे कॅल्शियमचे उत्कृष्ट शाकाहारी स्त्रोत आहेत. बदाम आणि चिया बियांमध्ये मॅग्नेशियम असते. जे कॅल्शियम शरीरात सक्रीय करण्यास मदत करते.

हिरव्या पालेभाज्या

कोबी, ब्रोकोली आणि पालक. या पालेभाज्यांमध्ये केवळ कॅल्शियम नसून, व्हिटॅमिन के देखील आढळते. व्हिटॅमिन के देखील हाडांसाठी अत्यंत आवश्यक आहे.