Heart Attack: अपुऱ्या झोपेमुळे ४५% लोकांना हार्ट अटॅक; कोणत्या वयोगटाला धोका जास्त? जाणून घ्या

झोप ही शरीरासाठी अत्यंत महत्वाची माहिती मानली जाते. भारतात झोपण्याची वेळ ही रात्रीची असते. मात्र बदलत्या जीवनशैलीमुळे झोपेला वेळ पुरत नाहीये. कामाची धावपळ किंवा सोशल मीडियाच्या वापरामुळे अनेकांची झोप अपूर्ण राहत आहे. याच सामान्य वाटणाऱ्या गोष्टीमुळे अनेकांना हार्ट अटॅकच्या धोक्याला सामोरे जावे लागू शकते असे तज्ज्ञांनी स्पष्ट केले आहे.

अपुऱ्या झोपेमुळे दिवसभरात खूप चिडचिड होते. दिवसातली महत्वाची कामे सुद्धा अडखळली जाऊ शकतात. ही सामान्य वाटणारी समस्या असतील तर भविष्यात तुम्हाला अपुऱ्या झोपेमुळे हार्ट अटॅकसोबत स्ट्रोकचा धोका सुद्धा निर्माण होऊ शकतो. असे तज्ज्ञांनी संशोधनातून स्पष्ट केले आहे. यामध्ये शरीराला आवश्यक झोप मिळत नसल्यामुळे हृदयविकाराचा झटका आणि स्ट्रोकचा धोका वाढतो, असा इशारा तज्ज्ञांनी दिला आहे.

तज्ज्ञांच्या मते, झोप कमी झाल्यावर शरीरात आळस जास्त प्रमाणात निर्माण होत असतो. यामुळे रक्तदाब वाढतो आणि हृदयाची गती सुद्धा जास्त राहते. त्याचा परिणाम धमन्यांवर होतो. त्यामुळे रक्ताच्या गाठी होण्याचा धोका निर्माण होतो. हाच धोका पुढे हार्ट अटॅक आणि स्ट्रोकसाठी जबाबदार ठरतो.

जे लोक कामाच्या धावपळीत कमी झोप घेत असतात. त्यांना हा धोका जास्त प्रमाणात निर्माण होऊ शकतो. संशोधकांच्या मते, जे व्यक्ती कमी झोप घेतात त्यांनाच हे आजार जास्त होत असतात. ही संख्या तब्बल ४५ टक्क्यांनी जास्त असते. विशेष म्हणजे मध्यमवयीन आणि वृद्ध व्यक्तींमध्ये हा धोका जास्त असल्याचे अभ्यासातून स्पष्ट झाले आहे.