Japanese Technique Of Walking: 10,000 पावलं चालण्यापेक्षाही चांगले रिझल्ट्स देईल जपानी वॉकिंग टेकनिक; डॉक्टरांनी सांगितली वॉकिंगची पद्धत

फीट आणि फाइन राहण्यासाठी पायी चालणं हा एक सर्वोत्तम मार्ग मानला जातो. वजन कमी करण्यासाटी आणि नियंत्रणात ठेवण्यासाठी अर्धा तास चालावं असं तज्ज्ञांचं मत आहे. कोणत्याही वयोगटातील व्यक्तीने चाललंच पाहिजे. चालण्याने ब्लड प्रेशर नियंत्रणात राहणं, पचन चांगलं राहणं हे फायदे होतात.

सामान्यपणे १०००० पावलं दररोज चालणं फायद्याचं मानलं जातं. मात्र गॅस्ट्रोइंट्रेलॉजिस्ट डॉ. सौरभ सेठी यांच्या सांगण्यांनुसार, जापानी वॉकिंग टेकनिक १०००० पावलं चालण्यापेक्षाही अधिक फायदेशीर आहे. शिवाय याचे फायदे देखील अधिक मिळत असल्याचं समोर आलं आहे.

काय आहे जपानी वॉकिंग टेकनिक? | Japanese Technique Of Walking

डॉ. सेठी यांच्या म्हणण्यानुसार, आरोग्य चांगलं ठेवण्यासाठी जपानी लोकं एका नव्या टेकनिकचा वापर करतात. या टेकनिकचं नाव इंटरवल वॉकिंग (Interval Walking) आहे. या टेकनिकमध्ये पहिल्यांदा ३ मिनिटं हळूहळू चालण्याचा सल्ला दिला जातो. आणि त्यानंतर ३ मिनिटं वेगाने चालावं

दररोज अर्धा तास जरी इंटरवल वॉकिंग केलं तरी तुम्हाला त्याचे कमालीचे रिझर्ट्स मिळू शकतात, असं तज्ज्ञांचं म्हणणं आहे. या पद्धतीच्या वॉकिंगने ब्लड प्रेशर चांगलं राहतं, स्ट्रोकचा धोका कमी होतो, मूड इंप्रूव होतो त्याचप्रमाणे रात्रीची झोपही चांगली लागते. यामुळे हृदयाचं आरोग्यही जपलं जात असल्याचं समोर आलं आहे.

इंटरवल वॉकिंगला कशी कराल सुरुवात?

इंटरवल वॉक करण्यासाठी ३ ते ५ मिनिटं कंफर्टेबली चालणं सुरु केलं पाहिजे. त्यानंतर ब्रिस्क वॉक म्हणजेच वेगाने चाललं पाहिजे. यानंतर तुम्ही ३ त ५ मिनिटं कूल डाउन झालं पाहिजे. अशा पद्धतीने तु्म्ही वॉक केलं तर आरोग्य चांगलं राहण्यास मदत होते.

काय काळजी घ्याल?

ज्यावेळी तुम्ही अशा पद्धतीने वॉक कराल तेव्हा तुमच्यासोबत पाण्याची बाटली अवश्य ठेवा. जेणेकरून तुमच्या शरीरात पाण्याची कमतरता होणार आहे. यामध्ये सरळ रस्त्यावर चालण्यापेक्षा चढणाच्या रस्त्यावर हा वॉक करणं तुम्हाला फायदा देईल. याशिवाय तुमची लाईफस्टाईल सुधारल्यास याचे अधिक चांगले रिझल्ट्स तुम्हाला मिळतील.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत