आपल्या दिवसाची सुरुवात ही नाश्त्याने होते. सकाळचा ब्रेकफास्ट हा आपल्या दररोजच्या रूटीनमधला महत्त्वाचा मील मानला जातो. यामुळे संपूर्ण शरीराला दिवसभराची एनर्जी मिळते. शिवाय यामुळे मेटाबॉलिझ्म एक्टिव्ह राहतं. त्यामुळे सकाळचा नाश्ता करणं फार गरजेचं आहे. मात्र असे काही पदार्थ आहेत जे तुम्ही सकाळच्या नाश्त्यामध्ये खाणं योग्य नाही.
अनेकांना नाश्त्यामध्ये समोसा, ब्रेड पकोडा किंवा वडापाव खाण्याची सवय असते. मात्र तळलेले स्नॅक्स खाणे यकृतासाठी हानिकारक ठरू शकतात. त्यात ट्रान्स फॅट आणि रिफाइंड तेल जास्त प्रमाणात असतं, ज्यामुळे फॅटी लिव्हरची समस्या वाढू शकते.
सकाळी लवकर मिठाई, केक, डोनट्स किंवा गोड पदार्थ तुम्ही खात असाल तर सावध व्हा. कारण असं केल्याने तुमच्या यकृताला हानी पोहोचू शकते. त्यात फ्रुक्टोज कॉर्न सिरप आणि साखर जास्त प्रमाणात असते. जास्त साखर खाल्ल्याने यकृतामध्ये चरबी जमा होऊ शकते.
काही लोकं सकाळी उठल्या-उठल्या एनर्जी ड्रिंक्स किंवा कोल्ड्रिंक पितात. मात्र असं कऱणं तुमच्यासाठी धोकादायक ठरू शकतं. याचं कारण म्हणजे त्यात भरपूर साखर आणि कॅफिन असते. जे तुमच्या लिव्हरसाठी योग्य नाही.
सकाळी उठल्यावर अनेकांच्या हातात कॉफीचा कप असतो. कदाचित तुम्हीही असं करत असाल. रिकाम्या पोटी जास्त कॉफी पिणं तुमच्या आरोग्यासाठी हानिकारक ठरू शकतं. कॉफीमध्ये अँटीऑक्सिडंट्स असतात जे रिकाम्या पोटी लिव्हरमधील एंजाइम्सचे असंतुलन होऊ शकते.
डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.