Summer Skin Problems: उन्हाळ्यात अतिप्रमाणात ऊसाचा रस पिताय? मग थांबा! उद्भवतील त्वचेच्या 'या' समस्या

उन्हाळा सुरू होताय आपण थंड पेयांकडे आकर्षित होत असतो. उन्हाळ्यात आपण घरी असू किंवा बाहेर थंड खाण्याची किंवा पिण्याची इच्छा वारंवार होतच असते. उन्हाळ्यात पेयांमध्ये आपण ऊसाच्या रसाचे सेवन आपण जास्त प्रमाणात करतो. पण त्याने तुमच्या त्वचेला नुकसान होतं का? हा प्रश्न सुद्धा अनेकांच्या मनात येतो. आज आपण याच बद्दल सविस्तर जाणून घेणार आहोत.

ऊसाच्या रसाचे फायदे (Sugarcane Juice Benefits)

ऊसाच्या रसात कार्बोहायड्रेट, प्रोटीन, पोटॅशिअम, मिनरल्सचे प्रमाण जास्त असते. हे सगळ शरीराला पोषक तत्व देतात. (Is Sugarcane Juice Good For Diabetes) म्हणून लहान, मोठे, रुग्ण, वृद्ध अशी सगळी मंडळी ऊसाचा रस उन्हाळ्यात पितात. पण तुम्हाला माहितीये का? ऊसाच्या एका ग्लासात २५० कॅलरीज आणि १०० ग्रॅम शुगर असते. त्यामुळे शक्यतो दिवसातून जास्तीत जास्त २ ग्लास ऊसाचा रस सेवन करावा. अन्यथा वजन वाढण्याच्या समस्येला सामोरं जावं लागेल. तर ऊसामध्ये हीट जास्त प्रमाणात असल्याने आपल्याला आरोग्याच्या इतर समस्यांना देखील सामोरं जावं लागू शकतं.

ऊसाचा रस प्यायल्याने होणारे नुकसान (sugarcane juice side effects)

1 . मधुमेह (Diabetes)

ऊसाच्या रसात ग्लायसेमिक इंडेक्सचं प्रमाण कमी असतं. तर ऊसामध्ये ग्लायसेमिक लोडचं प्रमाण जास्त असतं. त्यामुळे डायबिटीजच्या रुग्णांच्या रक्तातली साखरेची पातळी झपाट्याने वाढू शकते. तसेच हदय, मूत्रपिंड, डोळे आणि नसांवर वाईट परिणाम होतो. म्हणून मधुमेहींनी शक्यतो ऊसाचे सेवन टाळवा. किमा अर्धा कपा पेक्षा अधिक सेवन करणे टाळावे.

2. दातांच्या समस्या ( Dental problems)

ज्या व्यक्तींच्या दाताच गॅप आहे किंवा दाढेचा प्रॉब्लेम आहे. त्यांनी गोड पदार्थ किंवा पेय खाणं जमेल तितकं टाळलं पाहिजे. तसेच ऊसाच्या रसाचे सेवनही टाळलं पाहिजे. यामध्ये साखरेचे प्रमाण जास्त असल्याने तोंडात बॅक्टेरिया वाढतो. तर दातांमध्ये पोकळी निर्माण होते. त्यामुळे दात किडतात, दुखतात. तर या समस्या शक्यतो लवकर बऱ्या होत नाहीत.

3. त्वचेच्या समस्या ( Skin problems)

ऊसाच्य रसात साखरेचे प्रमाण जास्त असते. त्याचा परिणाम तुमच्या आरोग्यासोबत तुमच्या त्वचेवरही होत असतो. तुमचा चेहरा वृद्धांसारखा ताणलेला आणि सुकलेला दिसतो. शरीरात जेव्हा साखरेचे प्रमाण अधिक वाढते. तेव्हा रक्तप्रवाहातील संयुगे वाढून त्वचेतील लवचिकपणा कमी होऊन कोलेजनला नुकसान होते.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.

Edited By: Sakshi Jadhav