भारतातही आहे बरमुडा ट्रॅंगल; इथे जाणारा परत कधीही येत नाही

नवी दिल्ली : आपल्या आजूबाजूला अशा अनेक गोष्टी असतात, ज्यामागचे कारण आपल्याला ठाऊक नसते. पृथ्वीवरदेखील (World) अशीच काही रहस्यमयी ठिकाणे आहेत. ज्याबद्दल आपल्याला फार काही माहिती नसेल. तूम्ही अनेकदा बरमुडा ट्रॅंगल (Bermuda Triangle) बद्दल वाचले असेल, पाहिले असेल, याठिकाणी गेलेली कोणतीही वस्तू असो वा माणूस आजपर्यंत परत आलेला नाही, असे अनेक संशोधक सांगतात. पण भारतातही (India) असेच एक ठिकाण आहे. हे तुम्हाला माहित आहे का, याठिकाणी गेलेला माणूस परत आलेला नाही, अशा अनेक घटना घडल्याचे या ठिकाणी सांगितले जाते. (India also has the Bermuda Triangle; The one who goes here never comes back)

भारतातील अरुणाचल (Arunachal Pradesh) प्रदेश आणि तिबेटच्यामधे (Tibet) एक रहस्यमय दरी वसली आहे, जिचा आजपर्यंत कोणालाही शोध लागला नाही. हे ठिकाण 'शांग्री-ला खोरे' (Shangri-La Valley) म्हणून ओळखले जाते. शांग्री-ला खोऱ्यात वेळ थांबते आणि लोकांना पाहिजे तितके वर्ष ते जगू शकतात, आतापर्यंत जगभरातील अनेक संशोधकांनी या खोऱ्याचा शोध लावण्याचा प्रयत्न केला आहे, पण आजपर्यंत कोणालाही या खोरे शोधण्यात यश आले नाही. प्रख्यात तंत्र साहित्य लेखक अरुण कुमार शर्मा यांनीही आपल्या 'दॅट मिस्टरियस व्हॅली ऑफ तिबेट' या पुस्तकात या जागेचा उल्लेख केला आहे. त्यांच्या मते जगात अशा काही जागा आहेत जिथे एखाद्या वस्तूचे किंवा व्यक्तीचे अस्तित्व जगापासून नाहीसे होते. शांग्री ला व्हॅली हीदेखील बरमुडा ट्रॅंगलप्रमाणेच आहे.

- शांग्री-ला खोरे एक काल्पनिक ठिकाण

तिबेटियन भाषेतील 'काल विज्ञान' या पुस्तकात या दरीचा उल्लेख सापडतो. जेम्स हिल्टन नावाच्या लेखकानेही आपल्या 'लॉस्ट होरायझन' या पुस्तकात या रहस्यमय जागेबद्दल लिहिले आहे.परंतु त्यांच्या मते ही एक काल्पनिक जागा आहे. तिबेटी विद्वान युत्सुंग यांच्या मते ही दरी काही अंतराळातील जगाशी संबंधित आहे. ही दरी आध्यात्मिक क्षेत्र, तंत्र साधना किंवा तंत्रज्ञानाशी संबंधित असलेल्या लोकांसाठी तसेच जगभरातील संशोधकांसाठी प्रसिद्ध आहे. तथापि अशा अनेक दाव्यांनंतर आणि संदर्भानंतरही कोणीही अद्याप शांग्री-ला खोऱ्याचे रहस्य सोडवू शकलेला नाही.

Edited By- Anuradha