Bad Cholesterol Symptoms : हल्ली मधुमेह आणि रक्तदाबाच्या आजारांबरोबर वाढत असलेला आजार म्हणजे हाय कालेस्ट्रॉल. शरीरात कोलेस्ट्रॉलची लेव्हल वाढली की अनेक आजार बळावण्यास सुरूवात होते.
आपल्या निरोगी शरीराला आव्हान देणाऱ्या अशा हानिकारक आजारांपासून बचाव करण्यासाठी त्यांची लक्षणे (Symptoms) वेळेत समजून घेणे अत्यंत महत्त्वाचे असते. ज्यामुळे त्यावर योग्यवेळी उपचार करणे सोपे होते. आज आपण हाय कोलेस्ट्रॉलची काही लक्षणे पाहाणार आहोत. त्यामुळे रोगाचे निदान करण्यास मदत होईल.
शरीरात गुड कोलेस्ट्रॉल आणि बॅड कोलेस्ट्रॉल असे दोन प्रकारचे कोलेस्ट्रॉल असतात ज्यांच्या मदतीने आपल्या शरीरातील कोलेस्ट्रॉलची लेव्हल तपासता येते. बॅड कोलेस्ट्रॉल वाढल्यामुळे अनेक आजार (Disease) होण्याची शक्यता असते. त्यामुळे हाय कोलेस्ट्रॉलच्या समस्येवर जर दुर्लक्ष केले तर ते आपल्या जीवावर बेतू शकते.
शरीरातील बॅड फॅट जेव्हा नसांमध्ये साठू लागते तेव्हा रक्तप्रवाह मंदावतो. अशा वेळी हृदयविकार (Heart Attack) व हृदयासंबंधित इतर आजार यांशिवाय स्ट्रोक यासारखे आजार उद्भवू शकतात. चुकीचा आहार आणि बदललेली जीवनशैली या कारणांमुळे हा आजार होऊ शकतो. या आजाराचे निदान रक्त तपासणीच्या माध्यमातून केली जाऊ शकते. परंतु अशी काही लक्षणे ही आहेत ज्यामुळे आपण हा आजार ओळखू शकतो. जाणून घेऊयात त्या लक्षणांना.
हाय कोलेस्ट्रॉलची लक्षणेः
1. पायांचे तळवे थंड पडणे
जर तुम्हाला उन्हाळ्याच्या दिवसांत देखील आपल्या पायाचे तळवे थंड जाणवत असतील तर हे कदाचित हाय कोलेस्ट्रॉलचे लक्षण असू शकते, तेव्हा लवकरात लवकर आपल्या कोलेस्ट्रॉची तपासणी करुन घेणे फायद्याचे ठरेल. तसेच इतर कारणांमुळे देखील पायाच्या तळव्यांना सूज येऊ शकते. म्हणून या लक्षणाकडे दुर्लक्ष करणे आपल्या आरोग्यावर परिणामकारक ठरु शकते.
2. पायाच्या त्त्वचेतील बदल
शरीरात पोषकत्त्वांच्या आणि ऑक्सिजनच्या अभावामुळे त्त्वचेवर परिणाम होऊन ती पिवळी दिसू शकते. पण त्याच बरोबर शरीरात रक्तप्रवाह सुरळीत नसल्यास देखील पायांच्या त्त्वचेचा रंग बदलू शकतो. सोबतच पायात क्रॅम्प्स येणे ही समस्या देखील जाणवू शकते. यामुळे किडणीचे बिघडलेले आरोग्य दिसून येते. अशा परिस्थितीत आपल्या डॉक्टरांना संपर्क साधून वेळीच उपचार सुरू करणे आवश्यक ठरते.
3. पाय सतत दुखणे
कोलेस्ट्रॉल वाढल्यामुळे अनेकदा पाय सतत दुखू लागतात. यावर बरेच लोक पेन किलर्स किंवा इतर औषधे घेतात परंतु हे वाढलेल्या कोलेस्ट्रॉलचे लक्षण देखील असू शकते हे समजून घेणे महत्त्वाचे आहे. आपल्या शरीरातील कोलेस्ट्रॉल एकूण 200 mg/dl पर्यंत कमी होणे गरजेचे असते. त्याचबरोबर तेच एलडीएल म्हणजेच बॅड कोलेस्ट्रॉल 100 mg/dl पर्यंत कमी होणे गरजेचे असते. यापेक्षा वरच्या पातळीचे कोलेस्ट्रॉल पायांबरोबर शरीराच्या इतर अवयवांवर देखील लक्षणे दिसू शकतात.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.