कोमल दामुद्रे
सामान्यतः पाली आपल्या सर्वांच्या घरांमध्ये दिसतात.
घरांमध्ये पाली दिसण्याकडे आपण दुर्लक्ष करतो आणि काही लोक घाबरून त्यांना घराबाहेर काढतात.
वास्तुशास्त्रानुसार घरामध्ये काही जीव दिसणे हे शुभ तर काही जीव दिसणे अशुभ संकेत मानले जातात.
घरामध्ये पाल दिसणे हे आर्थिक लाभाचे लक्षण आहे, असेही मानले जाते.
कधी-कधी या पाली आपल्याला आपल्या भविष्यात घडणाऱ्या घटनांबद्दल संकेतही देतात.
जर तुम्ही नवीन घरात शिफ्ट होत असाल आणि घरात पाल दिसली तर ते तुमच्या पूर्वजांच्या आगमनाचे किंवा पूर्वज तुमच्यासोबत असल्याचे लक्षण मानले जाते.
जर तुम्हाला तुमच्या घरात मेलेली पाल किंवा मातीत मरून पडलेली पाल दिसली तर ते तुमच्यासाठी अशुभ लक्षण आहे.
तुमच्या घरात 2 पेक्षा जास्त पाली एकमेकांशी भांडताना दिसल्या तर समजावे की, घरातील एखाद्या व्यक्तीच्या बाबतीत काही वाईट घडू शकतं.
जर तुम्हाला स्वप्नात दोन पाली भांडताना दिसल्या तर ते तुमच्या घरातील परस्पर मतभेद होण्याचे संकेत असतात.
तुमच्या घराच्या मंदिरात किंवा मंदिराच्या आजूबाजूला सरडा दिसला तर तो तुमच्यासाठी शुभ असू शकतो.