Baby Allergy Prevention Tips : वाढत्या उकाड्यात नवजात बाळाचे ऍलर्जीपासून रक्षण कसे कराल ? जाणून घ्या

Child Care Tips : पालकत्व ही एक मोठी जबाबदारी आहे, जेव्हा नवजात बाळाचे पालकत्व येते तेव्हा त्याहूनही कठीण असते. उन्हाळ्यात नवजात बालकांमध्ये संसर्ग किंवा ऍलर्जीची समस्या सामान्य असू शकते. जरी हे सामान्य आहे, परंतु जर ते खूप वाढले तर ते लहान मुलांसाठी समस्या बनू शकते.

त्यामुळे जर हा उन्हाळा तुमच्या लहान मुलाचा पहिला उन्हाळा (Summer) असेल तर तुम्ही जास्त काळजी घेणे आवश्यक आहे. चला अशाच काही सोप्या टिप्सबद्दल जाणून घेऊया, ज्यांच्या मदतीने तुम्ही तुमच्या बाळाला (Baby) उन्हाळ्यातील अॅलर्जीपासून वाचवू शकता.

नवजात मुलांची त्वचा अतिसंवेदनशील असते, ज्यामुळे त्यांना ऍलर्जी (Allergy) होण्याची शक्यता असते. त्यामुळे बाळांना सर्दी, ताप, त्वचेवर पुरळ उठणे, लालसरपणा किंवा खाज सुटणे यासारख्या समस्या उद्भवू शकतात. त्यामुळे ते टाळण्यासाठी तुम्ही या टिप्स फॉलो करू शकता.

दररोज साबण लावणे टाळा -

तुम्ही बाळाचा चेहरा रोज पुसून स्वच्छ करू शकता, पण साबणाचा वापर टाळावा कारण त्यामुळे बाळाच्या त्वचेला त्रास होऊ शकतो. जास्त साबण वापरल्याने त्वचेचे नैसर्गिक तेल कमी होऊ लागते, त्यामुळे त्वचा खडबडीत आणि कोरडी होते. त्वचेची ऍलर्जी टाळण्यासाठी, आपण मुलाला बाल विशेषज्ज्ञांकडे घेऊन जावे आणि मुलांची त्वचा स्वच्छ ठेवावी.

त्वचेला कोरडे होण्यापासून बचाव -

मुलांच्या त्वचेला कोरडे होण्यापासून देखील संरक्षित केले पाहिजे कारण त्वचा कोरडी असताना देखील संसर्ग होऊ शकतो. तुम्ही बाळाच्या त्वचेवर (Skin) खोबरेल तेल किंवा सौम्य मॉइश्चरायझर लावू शकता. याशिवाय, उन्हाळ्यात आपल्याला कीटक आणि डासांपासून देखील त्यांचे संरक्षण करावे लागते. त्यामुळे उन्हाळ्यात संसर्ग वाढू शकतो.

स्तनपानानंतर चेहरा धुवा -

स्तनपान झाल्यानंतर बाळाचे तोंड स्वच्छ करणे आवश्यक आहे कारण तोंडाभोवती दूध आणि लाळ साचल्यामुळे संसर्ग देखील होतो. वाइप्सच्या मदतीने बाळाचे तोंड वेळोवेळी स्वच्छ ठेवावे. स्तनपान दिल्यानंतर बाळाचे तोंड कॉटन वाइप्सच्या मदतीने स्वच्छ करा.

सुती कपडे घाला -

उन्हाळ्यात ऍलर्जीची समस्या असल्यास किंवा ऍलर्जी टाळण्यासाठी, आपण मुलासाठी सुती कपडे घालावे. आपण हे देखील लक्षात ठेवले पाहिजे की मुलांनी उन्हाळ्यात सिंथेटिक सामग्रीचे कपडे घालू नयेत कारण अशा कपड्यांमुळे मुलांमध्ये ऍलर्जी देखील होऊ शकते.

खोलीचे तापमान थंड ठेवा -

उन्हाळ्यात तापमान खोलीचे खूप गरम होते ते बाळाच्या शरीरासाठी हाणीकारक आहे. खोलीचे तापमान खूप थंड किंवा खूप गरम नसावे. खोलीचे वातावरण सौम्य ठेवावा जेणे करून बाळाला ऍलर्जी होणार नाही.

तुमच्या घरात कोणाला ऍलर्जीचा त्रास असेल तर मुलाला त्यांच्यापासून दूर ठेवा. उन्हाळ्यात बाळांना उन्हाळ्यातील ऍलर्जीपासून वाचवण्यासाठी थेट बर्फ लावणे टाळा.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.