Tiffin Box Recipe :
हिवाळ्यात बाजारामध्ये मका आपल्याला हमखास पाहायला मिळतो. परंतु, बरेचदा खाताना मका आपल्या दातात अडकतो त्यामुळे लहान मुलांपासून ते वयोवृद्धापर्यंत अनेक लोक खाताना नाक मुरडतात.
परंतु, मक्यामध्ये असे अनेक घटक असतात ज्याचा आपल्या शरीरावर चांगल्याप्रकारे फायदा होतो. मुलांच्या (Kids) टिफिनमध्ये तुम्हाला कॉर्नपासून बनवलेले हेल्दी (Healthy) आणि पौष्टिक पदार्थ द्यायचे असतील तर तुम्ही कॉर्न पराठ्याची चव चाखू शकता किंवा नाश्त्यामध्ये हा पदार्थ नक्की ट्राय करु शकता. पाहूया रेसिपी (Recipes)
1. साहित्य
कणीस - २ ते ३
आले-लसूण पेस्ट - १ चमचा
हिरव्या मिरचीची पेस्ट - १ चमचा
कोथिंबीर - २ चमचे
कांदे - २ मध्यम आकाराचे
ज्वारीचे पीठ - वाटीभर
हळद - चिमूटभर
मीठ - चवीनुसार
तिखट - १चमचा
गरम मसाला - १ चमचा
2. कृती
सर्वप्रथम भांड्यात स्वीटकॉर्न आणि कांदा किसून घ्या.
नंतर त्यात आलं-लसूण पेस्ट आणि मीठ घाला. तयार मिश्रण अर्धातास झाकूण ठेवा.
मिश्रणाला पाणी सुटलं असेल तर त्यात हवी तितकी कणिक घाला. कणिक कोरडी वाटू लागली की, त्यात पाण्याऐवजी दही किंवा ताक घाला.
यानंतर त्यात तिखट, मीठ, मसाला, मिरची, कोथिंबीर आणि हळद घालून पीठ चांगले मिळून घ्या.
त्यानंतर पीठाचा गोळा घेऊन पराठा लाटून घ्या. तूप लावून तव्यावर खमंग भाजून घ्या.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.