Methi Parathe Recipe: मेथीची भाजी खाऊन कंटाळा आला, आता घरीच बनवा खुसखुशीत मेथीचे पराठे, १० मिनिटांत होईल रेसिपी तयार

Homemade Methi Paratha: सकाळचा नाश्ता हेल्दी आणि पौष्टिक असणे अत्यंत महत्वाचे आहे. पावसाळ्याच्या दिवसात बाहेरचे खाल्ल्याने आरोग्यावर देखील परिणाम होतो अशा स्थितीत तुम्ही घरच्या घरी नाश्ता बनवू शकता. मेथीची भाजी खायला अनेक जण नाक मुरडतात. मेथीची भाजी चवीला कडू असल्याने अनेकांना ती खायला नकोशी वाटते. लहानमुले देखील मेथी खात नाही अशावेळी तुम्ही ही सोपी रेसिपी घरच्या घरी ट्राय करू शकता.

मेथीचे पराठे खायला सर्वांनाच आवडतात. मेथीचे पराठे घरी बनवण्याची रेसिपी अत्यंत सोपी आहे. गव्हाच्या पीठापासून बनवलेले हे पराठे चवदार होतात. नाश्त्याला देखील तुम्ही मेथी पराठे सहज बनवू शकता.

मेथीचे पराठे बनवण्यासाठी लागणारे साहित्य:

मेथीचे पराठे बनवण्यासाठी सर्वप्रथम तुम्हाला सर्व साहित्य एकत्र घ्यावे लागेल. यात गव्हाचे पीठ,मेथी, मसाला, हळद, जीरे, ओवा, तीळ, धना पावडर, आलं- लसूण पेस्ट, मीठ, तेल हे साहित्य तयार ठेवा.

मेथीचे पराठे बनवण्याची कृती:

स्टेप 1:

मेथी पराठे बनवण्यासाठी सर्वप्रथम मेथीची भाजी स्वच्छ धुवून बारीक चिरून घ्या म्हणजे मिश्रणामध्ये सहज मिक्स करता येईल.

स्टेप 2:

यानंतर एका भांड्यात गव्हाचे पीठ घ्या त्यात हळद, तिखट, मीठ, धने पावडर, जीरे, ओवा, तीळ, आलं-लसणाची पेस्ट,तेल आणि बारीक चिरलेली मेथी एकत्रित मिक्स करा.

स्टेप 3:

मेथी मिक्स केलेल्या कणकेचा गोळा तयार करून दहा ते पंधरा मिनिटे झाकून ठेवा. कणीक कडक होणार नाही याची काळजी घ्या.

स्टेप 4:

त्यानंतर कणकेचे छोटे गोळे तयार करून त्याची पोळी लाटा. गॅसवर गरम तव्यावर ही पोळी तेल घालून दोन्ही बाजूने खरपूस भाजून घ्या.

स्टेप 5:

अशाप्रकारे गरमा गरम मेथीचे पराठे दही किंवा लोणच्यासोबत खाण्यासाठी तयार आहेत.