Kombdi Vade Recipe: गटारीनिमित्त घरीच बनवा टम्म फुगलेले कोंबडी वडे, नॉनव्हेजचा बेत होईल भारी

अवघ्या दोन दिवसांमध्ये श्रावण महिन्याला सुरूवात होणार आहे. श्रावण महिन्याआधी गटारी अमावस्या साजरी केली जाते. गटारी अमावस्येला सर्वजण नॉनव्हेजचा बेत आखतात. या दिवशी कुटुंब, मित्रमैत्रिणी परिवारासोबत एकत्र येऊन नॉन व्हेजवर ताव मारतात. या दिवशी नॉनव्हेजचे विविध पदार्थांसोबत खास कोंबडी वडे बनवले जातात. कोबडी वडे घरच्या घरी बनवण्याची रेसिपी आज आपण जाणून घेऊयात.

नॉनव्हेजसोबत कोंबडी वडे खाण्याची मज्जाच वेगळी असते. पूर्वी फक्त घरीच कोंबडी वडे बनवण्याची पद्धत होती. मात्र आता हॉटेलमध्ये देखील कोंबडी वडे मिळतात. अशातच अनेक महिलांना घरी कोंबडी वडे कसे बनवायचे ही रेसिपी माहित नाही आहे. मात्र यंदा तुम्ही गटारीनिमित्त घरीच कोंबडी वडे बनवू शकता.

कोंबडी वडे बनवण्यासाठी नेमके कोणते साहित्य लागणार आहे हे पाहूया.

• साहित्य

तांदूळ, धने, मेथी, चण्याची डाळ, उडदाची डाळ, बडीशेप, जीरे, कांदा, हिरवी मिरची, आलं, लसूण, मीठ, हळद, तेल

कोंबडी वडे बनवण्याची स्टेप बाय स्टेप रेसिपी

• कोंबडी वडे बनवण्यासाठी सर्वप्रथम तांदूळ स्वच्छ धुवून त्याचे पीठ दळून घ्या. यानंतर चण्याची डाळ, उडीद डाळ भिजत घाला आणि बारीक वाटून घ्या.

• कांदा, मिरची, आलं, लसूण एकत्र वाटून घ्या.

• वडे बनवण्यासाठी तांदळाच्या पिठात दळलेल्या डाळी, धने, बडिशेप, मीठ एकत्र करा.

• पीठ भिजवताना कोमट पाणी वापरावे. पीठामध्ये तुम्ही कांदा बारीक कापून घालू शकता.

• पीठ मळून झाल्यानंतर एक ते दीड तास पीठ झाकून ठेवा. यामुळे पीठ चांगले फुलून येईल.

• वडे थापण्यासाठी तुम्ही केळीच्या पानांचा किंवा प्लास्टिकच्या पानांचा देखील वापर करू शकता.

• पानांला किवा प्लास्टिक तेल लावून पीठाचा गोळा घेऊन तो तेलावर थापून घ्या.

• आता वडे तळण्यासाठी गॅसवर कढईत गरम तेलामध्ये वडे तळून घ्या.

• नॉनव्हेजसोबत कोंबडी सर्व्हसाठी तयार होतील.