Sambar Masala Recipe : घरच्या घरी साउथ इंडियन स्टाइलने बनवा सांबार मसाला, बनेल परफेक्ट; पाहा रेसिपी

How To Make Sambar Masala At Home :

दाक्षिणात्य पदार्थांची चव चाखायाची झाली की, जिभेवर रेंगाळतात ते इडली, मेदू वडा, डोसा यांसारखे पदार्थ. परंतु, या पदार्थांची चव ही सांबारशिवाय खाणे अपूरीच आहे.

सकाळच्या नाश्त्यात हे पदार्थ हमखास बनवले जातात. अनेकांना तर हे पदार्थ हॉटेलमध्ये जाऊन खायची भारी हौस असते. पण याची चव टिकून राहाते ती सांबार मसाल्यामुळे. प्रत्येक गृहिणीची सांबार बनवण्याची पद्धत आणि चव वेगळीच असते. जर तुम्हालाही हॉटेलसारख्या सांबाराची चव चाखायची असेल तर रेसिपी (Recipe) पाहा.

1. साहित्य

• १० ते १२ लाल मिरच्या

• ४ चमचे काळी मिरी

• १ कप कढीपत्ता

• अर्धा कप धणे

• २ चमचे उडीद डाळ

• २ चमचे चणाडाळ

• २ मोठे चमचे तुरडाळ

• २ चमचे तांदूळ (Rice)

• २ चमचे मोहरी

• ३ चमचे जिरे

• २ चमचे मेथी दाणे

• २ चमचे हिंग

• २ चमचे हळद (Turmeric)

2. कृती

• सांबार मसाला बनवण्यासाठी सर्वात आधी कढई गरम करुन चणाडाळ, उडदाची डाळ, तांदूळ आणि मेथीचे दाणे चांगले भाजून घ्यावेत.

• त्यानंतर भाजलेले पदार्थ थंड होण्यासाठी ठेवून द्या.

• त्याच पॅनमध्ये धणे, जिरे, मोहरी, हिंग आणि कढीपत्ता घालून कोरडे भाजून घ्या आणि थंड होण्यासाठी ठेवा.

• त्यानंतर लाल सुक्या मिरच्या व सुके खोबरे वेगवेगळे कोरडे भाजून घ्या.

• भाजलेले सर्व मिश्रण मिक्सरच्या भांड्यात काढून त्यात हळद, मीठ व काश्मिरी लाल मिरची पावडर घालून मिक्सरमध्ये बारीक वाटून घ्यावे.