अॅव्होकाडोपासून घरच्या घरी खाद्य तेल अशाप्रकारे बनवा

मुंबई : आपल्या स्वयंपाक घरात विविध प्रकारच्या तेलाचा वापर आपण करतो. ऑलिव्ह ऑइलपासून ते मोहरीच्या तेलापर्यंत आपल्या स्वयंपाकघराचा एक भाग आहे. (Benefits of avocado in Marathi)

हे देखील पहा-

अॅव्होकाडोमध्ये जीवनसत्त्व क, ब-६, ई आणि जीवनसत्त्व के भरपूर प्रमाणात आढळते. अॅव्होकाडोमध्ये कॅल्शियम, लोह, पोटॅशियम, तांबे, मॅंगनीज इत्यादी खनिजे असतात ज्यामुळे अनेक आजारांवर मात करता येते. कोलेस्ट्रॉल कमी करण्यापासून ते डोळ्यांच्या आरोग्यासाठी आणि हृदयासाठीही खूप चांगले मानले जाते. अ‍ॅव्होकाडो तेलाचा आपण अशा काही खाद्यपदार्थात समावेश केला तरी ते अधिक चविष्ट बनवण्यासाठी इन्फ्युज्ड अॅव्होकाडो तेल तयार करता येते. आपल्या स्वयंपाकघरातील अनेक पदार्थाचा वापर करुन आपण तेल असे बनवू शकतो. ज्यामुळे आपल्याला त्याचा फायदा आपल्या शरीरासाठी होऊ शकतो.

लसूण अॅव्होकाडो तेल

अ‍ॅव्होकॅडो ऑइला आणखी चविष्ट बनवण्यासाठी आपण त्यात लसूण घालून तेल बनवू शकतो. या तेलाने आपण मांस मॅरीनेट करू शकतो किंवा भाज्या बनवण्यासाठी याचा वापर करता येईल.

साहित्य-

ऑलिव्ह तेल - १ कप

अ‍ॅव्होकॅडो तेल - १ कप

५-६ लसूण पाकळ्या

थाइम - १/२ कप

आवश्यकतेनुसार ठेचलेल्या लाल मिरच्या

कृती

लसूण अ‍ॅव्होकॅडो तेल (oil) बनवण्यासाठी सर्वात आधी लसूण ठेचून घ्या. पॅनमध्ये ५-६ लसूण पाकळ्या, १ कप ऑलिव्ह ऑईल आणि १ कप अ‍ॅव्होकॅडो तेल घाला. त्यानंतर मंद आचेवर ठेवून थोडे गरम करा. त्यात ठेचलेल्या लाल मिरच्या आणि थाइम घाला. तेल थंड (Cold) झाल्यानंतर स्वच्छ काचेच्या बरणीत भरा. हे तेल आपण पास्ता, चायनिज डिशमध्ये किंवा सलाद म्हणून वापरु शकतो.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre