Tamannaah Bhatia: ९० दिवसात १० किलो वजन कमी! तमन्ना भाटियाचं फिटनेस सिक्रेट काय? वाचा डाएट प्लान

९० दिवसांत १० किलो वजन कमी होऊ शकतं! हे ऐकून अनेकांना आश्चर्य वाटेल, पण अभिनेत्री तमन्ना भाटियाच्या फिटनेस ट्रेनरने सांगितलेले काही सोपे उपाय हे शक्य करतात. तमन्ना नेहमीच तिच्या फिट आणि टोन बॉडीसाठी ओळखली जाते. तिचा फिटनेस रूटीनमध्ये व्यायामच नाही तर आहार, झोप आणि मानसिक शांतता आहे.

तमन्नाच्या ट्रेनरच्या मते, पहिला आणि सर्वात महत्त्वाचा घटक म्हणजे डेली रुटीन. वजन कमी करण्यासाठी महागडा आहार किंवा खूप व्यायामाची गरज नसते, पण नियमीत थोड्या प्रमाणात व्यायाम आणि काही गोष्टी फॉलो केल्याने तुम्हाला खूप फायदा येऊ शकतो. शरीराला हळूहळू बदलाशी जुळवून घ्यायला वेळ लागतो. व्यायाने सुरुवातीला अंग दुखतं म्हणून ही सवय सोडणं अत्यंत चुकीचे आहे.

दुसरा उपाय म्हणजे आहाराचे संतुलन. ट्रेनर सांगतात की ९० दिवसांच्या काळात प्रोसेस्ड फूड, साखर आणि जास्त तेलकट पदार्थ टाळणे अत्यावश्यक आहे. त्याऐवजी ताजी फळं, भाज्या, प्रथिने आणि पुरेसे पाणी घेतल्याने शरीरातील मेटाबॉलिझम वाढतं.

तिसरा उपाय म्हणजे शरीर सक्रिय ठेवणे. जिममध्ये बराच वेळ घालवण्याची गरज नाही, पण दररोज किमान ३० ते ४५ मिनिटे चालणे, योगा किंवा घरगुती व्यायाम करणं पुरेसं असतं. यामुळे फक्त कॅलरी बर्न होत नाही, तर मनही ताजंतवानं राहतं.

तमन्ना भाटिया स्वतः सांगते की तिला झोपेचे महत्त्व खूप वाटतं. ती रोज किमान ७-८ तास झोप घेते आणि रात्री झोपताना स्क्रीनपासून दूर राहते. योग्य झोपेमुळे शरीरातील हार्मोन्स संतुलित राहतात आणि वजन नियंत्रणात राहतं.

ट्रेनरचा सल्ला असा आहे की वजन कमी करण्याची प्रक्रिया जबरदस्तीची नसावी. शरीराला हळूहळू तयार करणे, त्याच्याशी संवाद साधणे आणि सकारात्मक वृत्ती ठेवणे हे सर्वात प्रभावी ठरतं. ९० दिवसांनंतर शरीरात फक्त वजनातच नाही तर उर्जेत, त्वचेच्या उजळपणामध्ये आणि मनाच्या प्रसन्नतेतही फरक जाणवतो. तमन्ना भाटियाच्या फिटनेस मंत्रात "सातत्य, संतुलन आणि संयम" हेच तीन स्तंभ आहेत, आणि हेच तिच्या यशाचं रहस्य आहे.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.