Heart Attack: ना हार्टचं दुखणं ना BPचा त्रास...तरीही येतो हार्ट अटॅक; ही लक्षणे वेळीच ओळखा

सध्याच्या जीवनशैलीमध्ये पुर्वी पेक्षा कितीतरी पटीने बदल झाले आहेत. आता लोकांना फीट राहायला खूप आवडतंय. लोक महागड्या जीममध्ये जाणं पसंत करत आहेत. महिला पुरुष दोघांचाही यामध्ये समावेश आहे. काही लोक उत्तम डाएट फॉलो करतात. चांगल हेल्दी खातात म्हणजे हेल्दच्या बाबतीत कोणतीच रिस्क घेत नाहीत. पण तज्ज्ञांनी एक मोठी समस्या स्पष्ट केली आहे.

काही लोक दिवसभर कामात असतात. सध्या सगळ्यांना उत्तम लाइफस्टाइल आणि त्यांची मोठी स्वप्न पुर्ण करायची असतात. त्यामुळे लोक खूप मेहनत घेतात. काम करतात. पण पुर्वी लोक शारिरीक श्रम जास्त करायचे आता ते चित्र पुर्णपणे बदलले आहे. आता लोक एका जागी ऑफीसमध्ये बसून काम करतात. पण त्याने त्यांचा स्ट्रेस खूप वाढतोय. घरातलं टेन्शन, वाढती महागाई, प्रवासांची दगदग यासगळ्यामुळे त्यांना कमी वयातच हार्ट अटॅकच्या समस्येला सामोरं जावं लागत आहे. काहींचा असा समज असतो की, कोणताच ह्रदयरोग नसताना, बीपीचा त्रास नसताना हार्ट अटॅक कसा येतो? याचं हे एक गंभीर कारण आहे.

चाळीशीनंतर पुरुषांमध्ये हार्ट अटॅकचा धोका वाढतो, तर महिलांमध्ये मेनोपॉजच्या अवस्थेनंतर याचा धोका वाढतो. याने हाय कोलेस्टेरॉल आणि हायपरटेन्शनची लक्षणं आढळतात. जास्त स्ट्रेस घेतल्याने बीपी वाढतो. यामध्ये थकवा, छातीत दुखणं, जबडा, मान आणि पाठीत दुखणं, चक्कर येणं, श्वास घ्यायला त्रास होणं अशी लक्षणं दिसल्यास त्वरित डॉक्टरांचा सल्ला घ्या.

फक्त हेल्दी राहणं म्हणजे उत्तम लाइफस्टाईल नाही. तुमच्या कुटुंबात जर कोणाला हार्ट संबंधित त्रास असतील तर तुम्ही २० वर्षानंतर काही बेसिक टेस्ट केल्या पाहिजेत. त्यामध्ये कोलेस्टेरॉलची तपासणी, बीपीचा त्रास यांसारख्या बेसिक तपासण्या फॅमिली डॉक्टरांना सांगून केल्या पाहिजेत. कारण याच गंभीर समस्यांनी तुमच्या नकळत तुम्हाला अचानक हार्ट अटॅकच्या समस्येला सामोरं जावं लागू शकतं.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.