गुढीपाडवा हा हिंदू नववर्षाचा पहिला दिवस म्हणून साजरा केला जातो. हा सण दरवर्षी चैत्र महिन्यातील शुक्ल पक्षाच्या प्रतिपदेला येतो. या दिवशी चैत्र नवरात्राचा आरंभ होतो आणि संपूर्ण देशात वेगवेगळ्या पद्धतीने नवीन वर्षाचे स्वागत केले जाते. विशेषतः महाराष्ट्रात गुढीपाडवा मोठ्या उत्साहात साजरा केला जातो. यावर्षी गुढीपाडवा ३० मार्च २०२५ रोजी साजरा केला जाईल.
अनेकदा सणांच्या निमित्ताने महिला पारंपारिक लूक घालणे पसंत करतात. जर तुम्हाला नेहमीच्या साड्यांपेक्षा काही वेगळा लूक हवा असेल, तर तुम्ही महाराष्ट्रीयन शैलीतील साडी नेसण्याचा विचार करू शकता. खासकरून नऊवारी साडी, पैठणी, इरकली किंवा ठिपक्यांची साडी अशा विविध प्रकारच्या साड्या गुढीपाडव्याला खास लूक देऊ शकतात. तुम्हाला काही अभिनेत्रींचे निवडक लूक सांगतो.
पैठणी सिल्क साडी
अभिनेत्री रश्मिका मंदानाचा हा पारंपारिक लूक खूप शक्तिशाली दिसत आहे. गुढीपाडव्यानिमित्त तुम्ही रश्मिकासारखी पैठणी सिल्क साडी देखील घालू शकता. तिने महाराष्ट्रीयन नथन घातले आहे. अशा प्रकारे साडी नेसल्याने तुमचा लूक खूपच वेगळा दिसेल. या साडीसोबत गजरा आणि जाड बिंदी घालायला विसरू नका.
सोनेरी बॉर्डर साडी
जर तुम्हाला वेगळ्या रंगसंगतीची साडी घालायची असेल, तर शर्वरी वाघच्या मॅजेंटा साडीचा लूक प्रेरणादायक ठरू शकतो. तिने मॅजेंटा रंगाची सिल्क साडी परिधान केली होती, ज्यावर सोनेरी बॉर्डर होती. या साडीला तीने कॉन्ट्रास्ट हेवी वर्क असलेला ब्लाउज जोडला होता, ज्यामुळे तिचा पारंपारिक लूक अजूनच खुलून आला.
अनारकली सूट
अभिनेत्री श्रद्धा कपूर तिच्या साध्या आणि मोहक शैलीसाठी प्रसिद्ध आहे. या गुढीपाडव्याला तिचा लूक कॉपी करण्यासाठी तुम्ही चमकदार रंगाचा अनारकली सूट निवडू शकता. तिच्या लूकला खास बनवण्यासाठी पारंपरिक नथ घालणे हा एक उत्तम पर्याय ठरेल. हलका आणि नैसर्गिक मेकअप करून तुमचा संपूर्ण लूक पूर्ण करा. यामुळे तुम्ही पारंपरिक आणि ट्रेंडी अशा दोन्ही शैलींचा सुंदर मिलाफ साधू शकाल.
गुढीपाडव्याच्या दिवशी पेस्टल रंगाची साडी ही एक उत्तम पर्याय ठरू शकते. हलके आणि सौम्य रंग सध्या ट्रेंडमध्ये असून, ते उन्हाळ्याच्या हंगामासाठीही योग्य असतात. हे रंग डोळ्यांना सुखावह वाटतात आणि पारंपरिक पोशाखात आधुनिक स्पर्श देतात.
Edited By - Purva Palande
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.