हिंदू धर्मात आठवड्यातील प्रत्येक दिवस कोणत्या ना कोणत्या देवाला समर्पित केलेला असतो. त्यानुसार रविवारचा दिवस हा सूर्यदेवाला समर्पित मानला जातो. यादिवशी लोकं सूर्यादेवाची पूजा करतात. सकाळी लवकर उठून सूर्याला पाणी अर्पण करणं शुभं मानलं जातं. असं केल्याने भक्तांवर सूर्यदेवाची कृपा राहते.
ज्योतिषशास्त्रामध्ये रविवारच्या दिवशी काही उपायांचंही वर्णन करण्यात आलं आहे. ज्यामुळे व्यक्ती जीवनातील अनेक समस्यांपासून मुक्ती मिळू शकते. यावेळी सूर्यदेवाचा विशेष आशीर्वाद मिळू शकतो. अशा परिस्थितीत रविवारी पैसे मिळवण्याचे सोपे मार्ग सविस्तर जाणून घेऊया.
जर तुमच्या घराची आर्थिक स्थिती चांगली नसेल तर रविवारी सकाळी लवकर उठून आंघोळ करा. यानंतर विधीपूर्वक सूर्यदेवाची पूजा करा. त्यानंतर तांब्याच्या भांड्यात पाणी, लाल फुलं, अक्षता आणि गूळ घाला. यानंतर हे पाणी सूर्यदेवाला अर्पण करावे. यावेळी 'ॐ आदित्य नम:' या मंत्राचा जप करावा.
ज्योतिषशास्त्रानुसार रविवारी सूर्याला जल अर्पण करण्याबरोबरच माशांना पिठाचे गोळे खाऊ घाला. हा उपाय अत्यंत शुभ मानला जातो. दर रविवारी हे एक काम केल्याने तुम्हाला खूप पुण्य मिळण्याची शक्यता असते. यावेळी पैशाच्या कमतरतेपासूनही सुटका मिळू शकते. तसंच व्यवसायात नफा होण्याची शक्यता देखील निर्माण होऊ लागते.
रविवारी सकाळी आंघोळ केल्यानंतर केशरी, सोनेरी, गुलाबी किंवा लाल रंगाचे कपडे परिधान करा. यावेळी या दिवशी 'ॐ घृणी सूर्याय नम:' या मंत्राचा १०८ वेळा जप करा. रविवारी हा जप केल्यामुळे व्यक्तीच्या कुंडलीतील सूर्याचं स्थान मजबूत होण्यास मदत होते. त्याचप्रमाणे समाजात मान-सन्मान वाढतो.
ज्योतिषशास्त्रात रविवारी काही गोष्टींचे दान करणं फलदायी मानण्यात येतं. या दिवशी गरजूंना मीठ दान केलं पाहिजे. असे केल्याने चांगलं फळ मिळण्यास मदत होते. याशिवाय तुम्ही रविवारी जवळच्या मंदिरात गहू आणि गूळ दान करू शकता. यामुळे कुटुंबातील सदस्यांची जीवनात प्रगती होते आणि आवश्यक कामांमध्ये येणारे अडथळे दूर होऊ लागतात.
(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.