Hair Care: केसांच्या वाढीसाठी आणि मजबूत करण्यासाठी मेथीचे दाणे ठरतील फायदेशीर, असा वापर करा

मेथीच्या दाण्यांचा वापर अनेक आरोग्याच्या समस्यांपासून आराम मिळवण्यासाठी केला जातो. मेथीमध्ये प्रथिने, निकोटिनिक अॅसिड, आयरन, व्हिटॅमिन सी आणि पोटॅशियम सारखे पोषक घटक आढळतात. जे केसांना मजबूत आणि जाड बनवण्यास मदत करतात. मेथीचे पाणी केसांसाठी देखील खूप फायदेशीर आहे. पण तुम्हाला माहिती आहे का की, मेथीचे पाणी केसांना लावल्याने कोणते फायदे मिळूतात. जाणून घ्या.

डोक्यातील कोंडा आणि स्कॅल्प इन्फेक्शन

मेथीमध्ये अँटी-फंगल आणि अँटी-बॅक्टेरियल गुणधर्म असतात. हे कोणत्याही प्रकारचे स्कॅल्प इन्फेक्शनपासून संरक्षण करतात. तसेच हे कोंडा, खाज आणि कोरडेपणा दूर करण्यास मदत करतात. मेथीचे पाणी नियमितपणे लावल्याने स्कॅल्प निरोगी राहते.

केसांची वाढ होते

मेथीच्या दाण्यांमध्ये लेसिथिन आढळते. जे केसांना पोषण देतात आणि त्यांची वाढ करण्यास मदत करतात. मेथीच्या पाणी लावल्याने स्कॅल्पचे ब्लड सर्क्युलेशन सुधारते. यामुळे नवीन केस लवकर उगतात. तसेच मेथीच्या दाण्यांचे पाणी केसांना कंडीशन करतात. ज्यामुले केस सॉफ्ट आणि चमकदार होतात.

पांढऱ्या केसांची समस्या

मेथीमध्ये अँटीऑक्सिडंट्स आणि आयरन भरपूर प्रमाणात असतात. ज्यामुळे वेळेआधीच केस पांढरे होण्याच्या प्रक्रियेला मंदावतात. तसेच केसांचा नैसर्गिक रंग बराच काळ टिकवून ठेवण्यास मदत करतात.

स्कॅल्पला हायड्रेटेड ठेवते

मेथीचे पाणी स्कॅल्पला मॉइश्चरायझ करतात. यामुळे कोरडेपणा आणि खाज सुटण्याची समस्या दूर होते. मेथीचे पाणी केसांच्या मुळांना पोषण देतात. आणि त्यांना हेल्दी बनवतात. यामुळे केस गळण्याची समस्या कमी होते.

केसांसाठी मेथीचे पाणी कसे बनवायचे?

२ ते ३ चमचे मेथीचे दाणे एक कप भर पाण्यात रात्रभर भिजत ठेवा. सकाळी हे भिजलेले दाणे बारीक करून पेस्ट बनवा आणि पाणी गाळून घ्या. हे पाणी स्कॅल्प आणि केसांना लावा आणि ३०-४० मिनिटे तसेच ठेवा. नंतर शॅम्पूने केस धुवा.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.