How To Prevent Heat Stroke : फक्त पाणीच नाही तर 'या' पदार्थांनीही टाळा येईल 'हीट स्ट्रोक', कशी घ्याल काळजी ?

Heat Stroke : बदलते हवामान व वाढत जाणारा उन्हाच्या तडाख्यामुळे अनेकांना आरोग्याच्या समस्यांना सामोरे जावे लागत आहे. एप्रिलमध्ये सध्या तापमानाचा पारा 40 अंशाचा पार आहे. त्यामुळे हीट स्ट्रोक वाढतो आहे.

या वाढत्या उष्मघातापासून वाचायचे कसे हा प्रश्न सर्वसामान्यांना पडत आहे. परंतु, जर आरोग्याची (Health) काळजी घ्यायची झाली तर ती कशी घ्यावी हे जाणून घेऊया

सनस्ट्रोकला उष्माघात किंवा सनस्ट्रोक असेही म्हणतात. काही पेये उष्णतेपासून बचाव करण्यास मदत करू शकतात. हे पेय बनवायला खूप सोपे आहेत आणि फक्त 1-2 गोष्टी मिसळून प्यायल्याने अधिक फायदा (Benefits) होईल. चला जाणून घेऊया उष्माघातामुळे आरोग्य कसे बिघडते आणि ते टाळण्यासाठी काय प्यावे?

1. उष्मघातामुळे मृत्यू येण्याची शक्यता

उन्हाळ्यात शरीरातून अधिक प्रमाणात घाम येतो. परंतु जेव्हा ही प्रक्रिया अयशस्वी होते तेव्हा शरीराचे तापमान खूप वाढते. ही स्थिती अत्यंत धोकादायक बनते आणि त्याला उष्माघात म्हणतात. गरम हवा आणि कडक सूर्यप्रकाशामुळे उष्माघाताचा धोका वाढतो .

2. ही पेय ठरतील फायदेशीर

1. लिंबू पाणी

जॉन्स हॉपकिन्स (रेफ.) यांच्या मते , उष्माघाताचे सर्वात सामान्य कारण म्हणजे निर्जलीकरण. हे टाळण्यासाठी, आपल्याला द्रवपदार्थाचे सेवन वाढवावे लागेल. ज्यासाठी लिंबू पाणी (Water) पिणे एक उत्तम उपाय आहे. तुम्ही एक ग्लास पाण्यात २ चमचे लिंबाचा रस आणि चवीनुसार काळे मीठ मिसळून पिऊ शकता.

2. बार्ली वॉटर

शरीराचे तापमान नियंत्रित ठेवण्यासाठी जवचे पाणी फायदेशीर आहे. यामध्ये फायबर, फॉस्फरस, कॉपर आणि सेलेनियम असतात, जे संसर्गापासून संरक्षण करतात आणि शरीराला थंड ठेवतात. तुम्ही बार्ली पाण्यात उकळून थंड करून पिऊ शकता.

3. नारळ पाणी

हायड्रेशनसाठी हिरव्या नारळाचे पाणी प्यावे . हे उष्णतेमुळे घालवलेला इलेक्ट्रोलाइट पुन्हा भरते. त्‍यामुळे शरीराला शीतलता आणि ऊर्जा मिळते.

3. उष्माघात प्रतिबंधक टिप्स

• सैल आणि आरामदायी कपडे घाला.

• उन्हात फक्त टोपी, सनग्लासेस किंवा छत्री घालूनच बाहेर जा.

• उन्हाळ्यात कठीण काम करणे टाळा.

• कडक उन्हात जास्त राहू नका.

• वेळोवेळी पाणी प्यायला ठेवा.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा