Nightmares in AC Room: खरंच एसी लावून झोपल्यास भयानक स्वप्न पडतात? डॉक्टरांनी सांगितलं वैज्ञानिक कारण

आजकाल बहुतेक लोकांना आरामात झोपायचं असेल तर ते एसीचा वापर करतात. थंडगार हवा झोप पटकन आणि छान लागते. पण अनेकदा लोक अशी तक्रार करतात की, एसीमध्ये झोपल्यावर विचित्र किंवा भितीदायक स्वप्नं पडतात. मग प्रश्न पडतो की खरंच एसी आणि भयानक स्वप्नांचा काही संबंध आहे का?

डॉ. योगेश शर्मा सांगतात की, आपली झोप ही थेट आपल्या शरीराच्या तापमानावर आणि आजूबाजूच्या वातावरणावर अवलंबून असते. एसीमुळे खोलीचं तापमान खाली येतं आणि त्यामुळे झोप पटकन लागते. पण जर तापमान खूपच कमी झालं, तर शरीर अस्वस्थ होतं आणि मेंदूवर परिणाम होतो. याचा थेट परिणाम "रेपिड आय मूव्हमेंट" या अवस्थेवर होतो, जी अवस्था म्हणजेच आपण स्वप्नं पाहतो ती वेळ असते.

एसीमध्ये झोपल्यावर जास्त भितीदायक स्वप्नं का पडतात?

थंड हवा आणि ऑक्सिजनची कमतरता

पूर्णपणे बंद खोलीत एसी सुरू ठेवल्यावर ताजी हवा आत-बाहेर फिरत नाही. त्यामुळे मेंदूवर परिणाम होतो आणि झोपेत विचित्र किंवा भितीदायक स्वप्नं पडतात.

तापमानातील चढ-उतार

शरीर खूप गार झालं तर मेंदूला त्रास होतो आणि झोपेची गुणवत्ता बिघडते. त्यामुळे निगेटिव्ह स्वप्नं पडू शकतात.

मानसिक थकवा आणि ताण

एसीमुळे शरीर आरामशीर होतं, पण जर मनात आधीपासूनच ताण असेल तर थंड वातावरण मिळून मेंदू भितीदायक स्वप्नं निर्माण करू शकतो.

नेहमी एसीलाच दोष द्यावा का?

डॉ. शर्मा सांगतात की, प्रत्येक वेळी वाईट स्वप्नं पडण्यामागे एसीच कारणीभूत नसतो. कधी कधी सततचा ताण, नैराश्य, झोपण्यापूर्वी मोबाइलवर वेळ घालवणं किंवा जड जेवण करणं हेसुद्धा मोठं कारण ठरतं. पण जर तुम्हाला रोजच एसीमध्ये झोपताना अशा स्वप्नांचा त्रास होत असेल, तर वातावरण हा एक महत्त्वाचा घटक असू शकतो.

चांगली झोप हवी असेल तर डॉक्टरांच्या टिप्स

• एसीचं तापमान साधारण 26 डिग्रीवर ठेवा.

• झोपताना खोलीत थोडीशी तरी हवा खेळती राहील याची काळजी घ्या.

• रात्री जड जेवण किंवा कॅफीन टाळा.

• झोपण्याआधी हलकं म्युझिक ऐका, ध्यान करा किंवा पुस्तक वाचण्याची सवय लावा.