Astro Tips For Money: शुक्रवारच्या रात्री करा 'हे' उपाय; देवी लक्ष्मीच्या कृपेने घरातील तिजोरी भरणार

शुक्रवारचा दिवस हा माता लक्ष्मीला अर्पण मानला जातो. लक्ष्मीदेवीला धन आणि समृद्धीची देवी मानले जाते. म्हणूनच या दिवशी केलेले उपाय धनप्राप्तीसाठी, वैभव आणि ऐश्वर्य वाढवण्यासाठी अतिशय फलदायी मानले जातात. जर तुम्हाला तुमची आर्थिक स्थिती सुधारायची असेल तर शुक्रवारच्या रात्री काही सोपे पण प्रभावी ज्योतिषीय उपाय करून पाहू शकता.

संध्याकाळची पूजा

शुक्रवारी सकाळच्या पूजेसोबतच संध्याकाळी विशेष पूजा करण्याचा मोठा लाभ होतो. स्नान करून स्वच्छ वस्त्र परिधान करावीत आणि घरात लक्ष्मीमातेची प्रतिमा स्थापित करून पूजन करावे. त्यांच्या समोर तुपाचा दिवा लावावा. त्याचप्रमाणे अक्षता, फुले आणि श्रुंगारसामग्री अर्पण करावी. असं केल्याने घरात सकारात्मकता वाढतं आणि लक्ष्मीमातेची कृपा मिळतं.

कवड्यांचा उपाय

धनलाभासाठी कवड्यांचा उपाय विशेष मानला जातो. शुक्रवारच्या रात्री ५ कौड्या घेऊन त्या लाल कपड्यात बांधाव्यात आणि लक्ष्मीमातेच्या चरणी अर्पण कराव्यात. दुसऱ्या दिवशी या कौड्या आपल्या तिजोरीत किंवा ज्या ठिकाणी पैसे ठेवता तिथे ठेवा. हा उपाय केल्याने घरातील दारिद्र्य दूर होतं आणि पैशांचा प्रवाह वाढतो.

तांदळाचा उपाय

शुक्रवारी रात्री एक मूठ तांदूळ लाल कपड्यात बांधून घराच्या एखाद्या कोपऱ्यात लपवून ठेवा. हा उपाय गुप्तपणे करावा. असं केल्याने घरात प्रगतीचे मार्ग मोकळे होतात आणि धनलाभाचे योग निर्माण होतात.

श्रीयंत्राची पूजा

शुक्रवारच्या दिवशी श्रीयंत्राची स्थापना करून पूजा केल्यास लक्ष्मीमातेची विशेष कृपा मिळते. श्रीयंत्राचे पूजन हे संध्याकाळी किंवा रात्री कधीही करता येते. नियमितपणे श्रीयंत्राची पूजा केल्याने घरातील आर्थिक उन्नतीचा मार्ग खुला होतो आणि संपत्तीमध्ये वाढ होते.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)