Parenting Tips : वयात आलेल्या मुलीशी आईने या महत्वाच्या विषयांवर चर्चा करणं आवश्यक, वाचा सविस्तर

Relation With Parents :

लहानपणापासून ते मोठं होईपर्यंत आयुष्यातल्या अनेक छोट्या-मोठ्या गोष्टी आपण आपल्या आई-वडिलांकडून, विशेषतः आईकडून शिकत असतो. कारण ती आपल्या आयुष्यातील पहिली शिक्षिका असते. पण शिकण्याची आणि शिकवण्याची ही प्रक्रिया केवळ बालपणापुरती मर्यादित नसते. तर मुलांच्या वाढत्या वयाशी अनेक गोष्टींचा संबंध असतो.

जर घरात मुलगी असेल, तर समजू शकते की ती जसजशी मोठी होते तसतसे त्यांच्यामध्ये अनेक शारीरिक आणि मानसिक (Mental) बदल होतात. अशा स्थितीत जर तुम्ही तिच्याशी या गोष्टींबद्दल चर्चा केली, तिला योग्य मार्गदर्शन दिले, तर तुमच्या मुलीला अनेक अडचणींना तोंड देणे सोपे जाईल, म्हणून प्रत्येक आईने आपल्या किशोरवयीन मुलीशी या गोष्टींबद्दल बोलले पाहिजे.

आई ही आपल्या आयुष्यातील पहिली गुरू आहे. फक्त आईवडीलच आपल्याला आयुष्यातील मोठे धडे शिकवतात जे आपल्याला आयुष्यभर उपयोगी पडतात. पण अशा काही गोष्टी आहेत ज्या आईने तिच्या मुलीसोबत केल्या पाहिजेत, विशेषतः तिच्या वाढत्या वयात. अनेक स्त्रिया या विषयांवर बोलण्यास संकोच करतात परंतु त्याबद्दल बोलणे खूप महत्वाचे आहे.

शारीरिक बदलांवर

वयात येताच मुलींच्या शरीरात अनेक प्रकारचे बदल दिसून येतात. त्यांचे स्तन विकसित होऊ लागतात. ज्यासाठी ती अनेक वेळा नाराज होऊ शकते. या स्थितीत, हे सर्व सामान्य आहे हे त्यांना समजावून सांगण्याची जबाबदारी तुमची आहे. मासिक पाळीशी संबंधित समस्या (Problem) आणि महत्त्वाच्या गोष्टी सांगणे गरजेचे आहेत. शरीरातील बदलानुसार कपडे कसे घालायचे ते सांगा.

पोषण

किशोरवयीन मुलींना योग्य पोषणाची नितांत गरज असते , त्यामुळे त्यांनाही त्याबद्दल सांगा. अर्थात जंक आणि फास्ट फूड खायला मजा येते, पण शरीरासाठी काय आवश्यक आहे ते समजावून सांगा. पौगंडावस्थेमध्ये सूक्ष्म आणि मॅक्रो दोन्ही पोषणयुक्त आहार (Diet) घ्यावा. या वयात कॅलरीज, प्रथिने, लोह, कॅल्शियम, झिंक आणि फोलेटची सर्वाधिक गरज असते.

मानसिक आरोग्य

वयाच्या या टप्प्यात शारीरिक बदलांसोबतच मानसिक त्रासही होऊ शकतो. म्हणूनच प्रत्येक महत्त्वाच्या विषयावर मुलींशी मोकळेपणाने बोला. या वयात, बर्याच मुलींना मासिक पाळी आणि स्तनातील बदलांचा त्रास होतो आणि जेव्हा त्यांना याबद्दल बोलण्यासाठी कोणीही सापडत नाही तेव्हा त्या नैराश्य आणि तणावाच्या बळी होऊ लागतात. त्यांच्या या समस्येकडे दुर्लक्ष करू नका.