हाडं ठिसूळ झाली? उठता बसता कटकट आवाज येतो? ५ रूपयांचा 'हा' पदार्थ खा, स्ट्राँग हाडांचं सिक्रेट

शरीराला योग्यरित्या कार्य करण्यासाठी कॅल्शियम आवश्यक. कॅल्शियम फक्त हाडं किंवा दातांसाठी आवश्यक नसून, इतर अनेक शारीरिक कार्यांमध्ये देखील मदत करते. कॅल्शियमच्या कमतरतेचे अनेक हानिकारक परिणाम आहेत. कॅल्शियमच्या कमतरतेमुळे हाडं आणि दात कमकुवत होतात. स्नायू कमजोर होतात. अशक्तपणा निर्माण होतो. मज्जातंतूचे कार्य बिघडते. मुख्य म्हणजे हाडं ठिसूळ होतात.

कॅल्शियमसाठी आपण दुग्धजन्य पदार्थ खातो. काहींना दुग्धजन्य पदार्थ नाही आवडत. धकाधकीच्या जीवनात आपल्याला स्वत: कडे लक्ष द्यायला वेळ मिळत नाही. यामुळे कमी वयात आपल्याला रोगराईचा त्रास होतो. जर कॅल्शियमच्या कमतरतेवर मात करायची असेल तर, एक पदार्थ खा. हाडं मजबूत होतील. शरीर योग्यरित्या कार्य करेल.

प्रसिद्ध ह्रदयरोगतज्ज्ञ डॉ.बिमल छाजेर यांनी वेबसाईटला दिलेल्या माहितीनुसार, 'बऱ्याच जणांना असं वाटतं कॅल्शियम फक्त दुधात आढळते. पण असं नाही. अनेक पदार्थांमध्ये कॅल्शियम मुबलक प्रमाणात आढळते. शरीराला पुरेसे कॅल्शियम मिळाल्यानं केवळ हाडं आणि दात मजबूत राहतात असं नाही. तर, वयानुसार ऑस्टियोपोरोसिस आणि हाडांच्या ठिसूळपणाचा धोका कमी होता'.

एका प्रौढ व्यक्तीच्या शरीराला सुमारे १००० ते १२०० मिलीग्रॅम कॅल्शियमची आवश्यकता असते. जी दुध, दही आणि चीजसारख्या दु्ग्धजन्य पदार्थांमधून मिळते. तसेच हिरव्या पालेभाज्यांमधूनही मिळते. कॅल्शियमसाठी आपण सोया, बदामही खाऊ शकता. या पदार्थांमधून कॅल्शियम मिळते. हाडे, दात, ह्रदय आणि नसा योग्यरित्या कार्य करतात.

डॉक्टरांनी स्पष्ट केलं की, कॅल्शियमचा सर्वोत्तम स्त्रोत म्हणजे चुना. दुकानात आपल्याला विड्याच्या पानावर चुना लावून मिळतो. जर, आपल्याला पान आवडत नसेल तर, पाण्यात चुना मिसळून प्या. यामुळे शरीराची कॅल्शियमची गरज पूर्ण होईल.