BMW New Car : BMWची पहिली इलेक्ट्रिक कार लवकरच होणार लाँच; जबरदस्त बॅटरीसह पावरफुल रेंज,किंमत पाहा

BMW iX1 electric SUV Prize And Features

बीएमडब्ल्यू ही कार उत्पादनातील सर्वोत्कृष्ट कंपनी आहे. कंपनी आता नवीन इलेक्ट्रिक कार लाँच करणार आहे. कंपनीने या कारची अधिकृतपणे माहिती दिली आहे. बीएमडब्ल्यू २८ सप्टेंबरला बाजारात नवीन ix1 इलेक्ट्रिक एसयूवी लाँच करणार आहे. कंपनीच्या या नवीन इलेक्ट्रिक कारची माहिती आम्ही तुम्हाला देणार आहोत.

कंपनीने याबाबात एक्स(ट्विटर) अकाउंटवरुन माहिती दिली आहे. कंपनीने या कारचा एक टीझर सोशल मीडियावर पोस्ट केला आहे. २८ सप्टेंबरला पहिली इलेक्ट्रिक कार लाँच करण्यास सज्ज आहोत अशी माहिती देली आहे.

BMW ix1 बॅटरी आणि रेंज

BMW ix1 इलेक्ट्रिक एसयूवीमध्ये 64.7kWh ची लिथियम-आयन बॅटरी वापरली आहे. ही बॅटरी 313bhp पावर आणि 494Nm पीक टॉर्क जनरेट करु शकते. ही नवीन कार 438 किलोमीटरची रेंज देण्यास सक्षम आहे. ही कार येत्या २८ तारखेला लाँच होणार आहे. याबाबत अद्याप कोणतीही माहिती समोर आली नाही.

किंमत

BMW ix1 हा थर्ड जनरेशन x1 चा व्हेरियंट आहे. एका रिपोर्टनुसार, ही कार xDrive30 या व्हेरियंटसह 60 ते 65 लाख रुपयांत लाँच केली जाऊ शकते. या कारची किंमती अद्याप अधिकृतपणे जाहीर केलेली नाही.