Monsoon Bike Care Tips : मुसळधार पावसात बाईक बंद पडण्याचा धोका, अशी घ्या गाडीची काळजी

How To Maintain Your Two Wheeler In The Rainy Season : सध्या देशात जवळपास सर्वत्र मुसळधार पाऊस पडत आहे, त्यामुळे रस्तेही झपाट्याने खराब होत आहेत, तर अनेक ठिकाणी पाणी साचले आहे, ज्याचा थेट परिणाम वाहनांवर होत आहे. त्यामुळेच पावसाळ्यात मोटारसायकलची अतिरिक्त काळजी घेणे आवश्यक आहे. तुम्हाच्यासाठी बाईक मेन्टेनन्सच्या काही टिप्स घेऊन आलो आहोत.

पार्किंग करताना लक्ष द्या

अनेकजण मोकळ्या जागी मोटारसायकल (Motorcycle) पार्क करतात, तसेच अनेक दिवस पाऊस पडत असल्याने बाइकच्या काही ठिकाणी गंज निर्माण होतो, त्यामुळे दुचाकीचे बरेच नुकसान होते. म्हणूनच बाइक नेहमी शेडच्या खाली पार्क करण्याचा सल्ला दिला जातो किंवा ती उपलब्ध नसल्यास, बाईक कव्हर वापरण्याचा सल्ला दिला जातो.

बॉडी वर्क प्रोटेक्शन

बाइकचा रंग सुरक्षित ठेवण्यासाठी तुम्ही लॅमिनेशन किंवा कोटिंग करू शकता. यामुळे तुमच्या बाइकची चमक बराच काळ टिकून राहते.

टायरची देखभाल

बाइकचा (Bike) सर्वात महत्त्वाचा भाग म्हणजे त्याचा टायर. चिखलाच्या ठिकाणी दुचाकीवरून घसरून अपघात झाल्याच्या अनेक घटना समोर येतात, त्यामुळे टायरची थ्रेड वेळीच तपासा, तो खराब झाला असेल तर तो त्वरित बदलून घ्या.

ब्रेक्सची काळजी घ्या

पावसाळ्यात बाइकवर जास्त पाणी (Water) पडल्यामुळे ब्रेकिंग सिस्टीम खराब होते किंवा मजबूत ब्रेकिंग क्वालिटी उपलब्ध नसते. अशा परिस्थितीत, या हवामानात बाइक बाहेर काढताना ब्रेक तपासण्याचा सल्ला दिला जातो.