महिलांना रोज 'मुलांच्या डब्याला पौष्टिक काय खायला द्यावे?' हा प्रश्न पडतो. आपण कांदे पोहे, चपाती भाजी, सॅन्डविच, पराठा असे विविध पदार्थ बनवून देतो. पण मुलांना रोज जेवणात एक नवीन चव हवी असते. त्यासाठी आज आपण अनेक चव असलेला हेल्दी पराठा बनवायला शिकूया. तुमच्या मुलांना हा पदार्थ खूप आवडेल. त्यांना एकाच वेळी चार वेगवेगळ्या चव चाखायला मिळतील. सोपी रेसिपी जाणून घ्या..
पौष्टिक पराठा रेसिपी
फोर इन वन पराठा बनवण्यासाठी गव्हाच्या पिठाची कणीक मळून घ्या. कणीक छान मऊ होण्यासाठी त्यात तूप, तीळ आणि थोडी कोथिंबीर घाला. पीठ छान मळून झाल्यावर १० ते १५ मिनिटे ओल्या कापडात ठेवून द्या. आता एका कणकेच्या गोळ्याचा मोठा पराठा बनवून घ्या. त्या गोलाकार चपातीला खालचा बाजूंनी कट करून त्याचे चार समान त्रिकोण तुकडे करून घ्या. पराठ्यामध्ये सर्व स्टफिंग भरून झाल्यानंतर कट केलेला भाग एकावर एक ठेवून पराठा गुंडाळून घ्यावा. हा पराठा तूपात दोन्ही बाजूने खरपूस भाजून घ्या. अशाप्रकारे गरमागरम पौष्टिक पराठा तयार झाला. या पराठ्याचा तुम्ही दही, सॉस, पुदिन्याची चटणी, खोबऱ्याची चटणी, लोणच्यासोबत आस्वाद घ्या.
पराठ्याच्या चार भागाच स्टफिंग कसे तयार करावे?
पहिला भाग : पहिल्या भागामध्ये तुम्ही चीज स्लाइस ठेवा.
दुसरा भाग :दुसऱ्या भागामध्ये शेजवान आणि मेयॉनीज मिक्स करून लावावे.
तिसरा भाग : तिसऱ्या भागामध्ये बटाट्याची भाजी घालावी.
चौथा भाग : चौथ्या भागामध्ये पनीर आणि मक्याचे दाणे कुस्करून टाकावे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.