सध्या सर्वत्र दहीहंडीचा जल्लोष पाहायला मिळत आहे. यंदा २६ तारखेला जन्माष्टमी सर्वत्र साजरी केली जाणार आहे.
जन्माष्टमीला बाळकृष्णाला पाळण्यात घालून त्याची पूजा केली जाते. तर कृष्ण जन्माष्टमीच्या दुसऱ्या दिवशी दहीहंडीचा उत्सव साजरा केला जातो.
तुम्ही जर देवघरात बाळकृष्णाची स्थापना करणार असाल किंवा आधीच स्थापना केली असेल तर हे नियम काटेकोरपणे पाळा.
देवघरात बाळकृष्णाची एकच मूर्ती ठेवणे योग्य राहील. ज्योतिषशास्त्रानुसार जर तुम्हाला एकापेक्षा जास्त मूर्ती देवघरात ठेवायची असल्यास दोन मूर्तींची वेगवेगळ्या रूपात पूजा करावी लागेल.
एका मूर्तीची बाळकृष्णाच्या रूपात तर दुसर्‍या मूर्तीची बलरामाच्या रूपात पूजा करणे योग्य राहील.
देवघरातील बाळकृष्णाची मूर्ती 3 इंच आकाराची असावी. हे शुभ मानले जाते.
बाळकृष्णाला देवघरात ठेवल्यानंतर त्याची योग्य पद्धतीने मनोभावे पूजा करणे महत्त्वाचे आहे. बाळकृष्णाला नियमित सकाळ -संध्याकाळ सात्विक भोजनाचा नैवेद्य दाखवा.
बाळकृष्णाला दररोज अंघोळ घालून त्यांचे वस्त्र बदलावे. बाळकृष्णाला श्रृंगार खूप आवडतो. त्यामुळे त्याकडे विशेष लक्ष द्यावे. बाळकृष्णाच्या कपाळावर चंदनाचा टिळा लावावा.
घरात बाळकृष्णाच्या मूर्तीला एकटे सोडून बाहेर जाऊ नये. त्यालाही तुमच्यासोबत घेऊन जा.
रात्री बाळकृष्णाला देवघरात पलंगावर झोपवावे. संध्याकाळी आणि सकाळी कृष्णाची आरती करावी.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं कुठलेही समर्थन अथवा दावा करत नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.