महाकाय दीडशे फुटांची गुढी, गुढीपाडव्याला कोणत्या जिल्ह्यात काय आकर्षण ठरलं?

डोंबिवलीच्या नेहरू मैदानात महाकाय दीडशे फुटांची गुढी उभारण्यात आली होती. सांस्कृतिक सोहळ्याचे प्रतीक म्हणून ही महाकाय गुढी डौलाने उभारल्याचे प्रदेशाध्यक्ष रविंद्र चव्हाण यांनी सांगितले.

गुढीपाडवा आणि नववर्षनिमित्त वेंगुर्ला शहरात भव्य स्वागत यात्रा काढण्यात आली. या यात्रेत वेंगुर्ला वासियांनी पारंपारिक वेशभूषा परिधान करत या शोभायात्रेत सहभाग घेतला.

सांगली जिल्ह्यातील वाळवा तालुक्यातील तांबवे येथील गावातील अंगणवाडीतील नवीन विद्यार्थीचा प्रवेश गुढीपाडव्याच्या शुभ मुहूर्तावर शुभारंभ कार्यक्रम आयोजित करण्यात आला होता. यावेळी शिक्षकांनी आणि पालकांनी विद्यार्थ्यांची बैलगाडीतून शानदार वाजत गाजत मिरवणूक काढण्यात आली.

लोणावळ्यात गुढीपाडव्याचा जल्लोष करण्यात आला. यावेळी भव्य शोभायात्रा आणि बाईक रॅलीने नागरिकांचे लक्ष वेधले.