Nada Hafez PHOTO: ७ महिन्यांची गरोदर असताना ऑलिम्पिक गाजवणारी 'नादा' आहे तरी कोण?

सध्या नादा हाफिज नावाची एक खेळाडू जास्त चर्चेत आलीय. कारण तिने सात महिन्यांची गरोदर असताना देखील पॅरिस ऑलिम्पिकमधील तलवारबाजी स्पर्धेत भाग घेतलाय. कोण आहे नादा हाफिज? हे आपण सविस्तर जाणून घेवू या.

२६ वर्षीय नादा हाफिज एक तलवारबाज आहे. तिने पॅरिस ऑलिम्पिक २०२४ च्या तलवारबाजी स्पर्धेत भाग घेतला होता. ती राउंड ऑफ १६ पर्यंत पोहोचली होती, परंतु त्यानंतर तिचा पराभव झाला.

आई जगातील सर्वात महान योद्धा असते, हे वाक्य आपण सर्वांनी ऐकलेलं आहे. परंतु याची प्रचिती नादाचा संघर्ष पाहिल्यावर येत आहे.

नादा हाफिज कैरोची रहिवासी आहे. कैरो विद्यापीठातूनच तिने वैद्यकीय शिक्षण घेतलेलं आहे. वयाच्या अकराव्या वर्षी नादा तलवारबाजीकडे वळली होती.

नादा लहान असताना जलतरण स्पर्धांमध्ये देखील सहभागी घेत होती. ती राष्ट्रीय पातळीवर जिम्नॅस्टिक्समध्येही खेळली.

नादा तलवारबाजीच्या सेबर प्रकारामध्ये मागील दशकभर इजिप्तचं प्रतिनिधित्व करत आहे. पॅरिस ऑलिम्पिक नादाचं तिसरं ऑलिम्पिक होतं.

खरं तर पराभवानंतर नादाने सोशल मीडियावर पोस्ट करत ती गर्भवती असल्याची माहिती दिली होती. तिच्या या पराक्रमाला अख्ख जग आज सलाम करत आहे.