बांगलादेशध्ये आंदोलकांनी माजी पंतप्रधान शेख हसीना यांच्या निवासस्थानी हल्लाबोल केलाय. शेकडोंच्या संख्येने आंदोलक त्यांच्या निवासस्थांनी घुसले होते. यावेळी आंदोलकांनी अख्ख घरंच लुटल्याचं दिसत आहे.
कोणी साडी घातलीय, तर कुणी ब्लाऊज पळवला. फोटोंमध्ये एक आंदोलक हातात बादली घेवून दिसत आहे, त्याने शेख हसीना यांची साडी देखील घातली आहे. घराबाहेर आंदोलकांची मोठी गर्दी आहे.
इतकंच काय तर आंदोलकांनी शेख हसीना यांची अंतर्वस्त्र देखील सोडली नाहीत. आंदोलकांनी पंतप्रधान शेख हसीना यांच्या घरात लूटमार केल्याचं दिसत आहे.
पंतप्रधान निवासस्थानात घुसून आंदोलकांनी गोंधळ घातलाय. कोण टीव्ही घेवून पळतंय, तर कुणी डोक्यावर पंखा घेवून जात असल्याचं दिसत आहे.
आंदोलक शेख हसीना यांच्या घरातील वस्तू घेवून घराबाहेर पडत आहे. या लूटमारीचे फोटो सोशल मीडियावर तुफान व्हायरल होत आहेत. हिंसाचाराची भीषणता या फोटोंमधून दिसत आहे.
सोशल मीडियावर व्हायरल होत असलेल्या व्हिडीओ आणि फोटोंमध्ये आंदोलक पंतप्रधानांच्या निवासस्थानातून सामान घेऊन जाताना दिसत आहेत. हाताला पडेल त्या वस्तू आंदोलक लूटत आहेत.
ढाका येथील पंतप्रधानांचे शासकीय निवासस्थान आहे. यावेळी आंदोलकांचा जमाव आक्रमक झाल्याचं पाहायला मिळतंय. जनतेच्या या निदर्शनानंतर शेख हसीना यांनी त्यांच्या पंतप्रधानपदाचा राजीनामा दिलाय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.