Ashadhi Wari: 'गजर विठूनामाचा, सोहळा आनंदाचा'; सोपान काकांच्या रिंगण सोहळ्याचे अप्रतिम PHOTO

संत सोपान काका महाराज यांच्या पालखीच्या रिंगण सोहळ्याचे फोटो समोर आले आहेत. आषाढी वारीचे अप्रतिम फोटो आपल्याला पाहायला मिळत आहे. 'गजर विठूनामाचा, सोहळा आनंदाचा'वातावरण राज्यात पाहायला मिळतंय.

आषाढी वारीमुळे सध्या संपूर्ण राज्य 'जय हरी विठ्ठल'च्या नामघोषात दुमदुमदलं आहे. टाळकरी, विणेकरी अन् वारकरी यांच्या उत्साहाला पारावर राहीला नाहीये. टाळाच्या तालावर ठेका धरत सोपान काकांची पालखी मार्गक्रमण करत आहे.

सोपान काकांची पालखी 'विठ्ठल विठ्ठल जय हरी विठ्ठल' च्या जयघोषामध्ये पंढरीच्या दिशेने मार्गस्थ होत आहे. वारीचा आनंद अगदी सगळ्या भाविकांमधून ओसांडून वाहताना दिसत आहे. अगदी तरूण, वयोवृद्ध सर्वच वारीत सहभागी झालेत.

टाळ-मृदंगाच्या गजरात संत सोपानदेव पालखी सोहळा पार पडत आहे. सोमेश्वरनगर येथील महाविद्यालयाच्या भव्य प्रांगणात सोहळ्यातील पाहिले अश्व रिंगण पार पडलं.

वारकर्‍यांच्या उपस्थितील डोळ्यांचे पारणे फेडणारं रिंगण पार पडलं. महाविद्यालयात रिंगण सोहळ्यासाठी सोहळा विसावल्यानंतर प्रथम सोपानकाकांच्या पादुकांचे गोल रिंगण पूर्ण झालं होतं.

झेंडेवाले, विणेकर तसेच वृंदावन डोक्यावर घेऊन महिला वारकर्‍यांनी विठुनामाचा गजर पूर्ण करीत गोल रिंगण पूर्ण केलं. वारकऱ्यांचा गगनात न मावणारा आनंद यावेळी पाहायला मिळत आहे.