Wednesday Horoscope : जोडीदाराबरोबर दिलजमाई करावी लागेल; 5 राशींच्या लोकांना जपून पावले उचलावी लागणार

पंचांग

बुधवार,२६ नोव्हेंबर २०२५, मार्गशीर्ष शुक्लपक्ष,चंपा षष्ठी,मार्तंड भैरवोत्थापन,स्कंद षष्ठी.

तिथी-षष्ठी २४|०३

रास-मकर

नक्षत्र-श्रवण

योग-वृद्धि

करण-कौलव

दिनविशेष-उत्तम दिवस

मेष - कर्माचा लेखाजोखा आज बघावा लागेल. "वृत्ती तसे फल देणारा आजचा दिवस आहे. कामाच्या ठिकाणी सकारात्मक परिणाम मिळतील. प्रवास घडण्याचे योग आहेत.

वृषभ - भाग्याला नात्याची जोड असा आजचा दिवस आहे. आपल्या कुटुंबातील लोकांसह मोठे प्रवास होतील. नातवंड सौख्य चांगले असणार आहे. काही सुवार्ता कानी येतील. चंपाषष्ठी निमित्त विशेष दानधर्म करावा.

मिथुन - काही गोष्टी स्वतःसाठी काही दुसऱ्यासाठी करायच्या असतात. आपल्याला आज इतरांसाठी बरेच करावे लागेल मात्र साथ फक्त तुमची तुम्हालाच असेल. मोठे धनप्राप्तीचे योग मात्र आहेत.

कर्क - "अरे संसार संसार" कितीही केले तरी कमी असा दिवस आहे. धावपळ दगदग होईल. कामात विशेष श्रम घ्यावे लागतील. कोर्टाच्या कामात मात्र यश आहे.

सिंह - दिनचर्या डळमळीत राहिल. कामात अपमान सुध्दा होईल.अनेक त्रास सहन करून पुढे जावे लागेल. तब्येतीची काळजी घ्या.

कन्या - आपली सृजनशीलता वाढवण्यासाठी विशेष प्रयत्नांत रहाल. संतती आपल्याला चांगले समाधान देण्याचा योग आहे. कला, क्रीडा क्षेत्रामध्ये घोडदौड होईल. दिवस उत्तम आहे.आज चंपाषष्ठी सुदिन आहे.

तूळ - सर्व सुखे मिळतील. शेतीची कामे जोमाने होतील. जागा क्रय विक्रय यामध्ये व्यवहार होतील. एखाद्या गोष्टीचा ध्यास घेतला असेल तर आज तो पूर्ण होईल.

वृश्चिक - श्रम होतील पण यश मिळेल.आपल्या जिद्द आणि चिकाटीने ते खेचून आणाल. मुळात आपली रास फिनिक्स सारखी आहे. "मोडेन पण वाकणार नाही" असेही गुण आहेत.

धनु - गोड खाण्याची इच्छा होईल. कामात वेगळेपण आणण्याचा आज खटाटोप असेल. जोडीदाराबरोबर दिलजमाई करावी लागेल. धनयोग चांगले आहेत.

मकर - मन ध्यानाकडे ओढ घेईल. हा वेगळा आनंद घेण्यात व्यस्त असाल. खरेदी कराल. आपला प्रभाव इतरांवर राहील. दिवस उद्योगात असणारा आहे.

कुंभ - परदेशी प्रवास होईल. मनस्वास्थ्य सांभाळावे लागेल. अध्यात्मात प्रगती होण्यासाठी दिवस चांगला आहे. मोठे प्रवास होतील.

मीन - जेवढे जपाल तेवढा आप्तस्वकीयांशी जिव्हाळा वाढलेला आहे. आता त्या प्रेमाचे फळे चाखण्याचा योग आला आहे. इतर अनेक लाभ होतील. दिवस चांगला आहे.