Tuesday Horoscope : गोडधोड खाण्याचे योग, धनलाभ होणार; ५ राशींच्या आयुष्यात गोडवा वाढणार

पंचांग

मंगळवार,२डिसेंबर २०२५,मार्गशीर्ष शुक्लपक्ष,

भौमप्रदोष.

तिथी-द्वादशी १५|५८

रास-मेष

नक्षत्र-अश्विनी

योग-वरीयान

करण-बालव

दिनविशेष-उत्तम दिवस

मेष - आयुष्यात प्रगती करण्यासाठी स्वतः काही गोष्टींसाठी आपण ठाम असावे लागते. आज तुम्ही घेतल्याने निर्णय योग्य ठरतील. आरोग्य उत्तम राहील. धावपळ आणि दगदग आपल्याला आवडते आणि तसाच आजचा दिवस असेल.

वृषभ - खर्चाला आज हात आखडता घेऊन चालणार नाही. रादर खूप खर्च होईल अशा काही गोष्टी घडतील. तब्येतीच्या तक्रारी वाढतील. विनाकारण खर्च झाल्यामुळे मनस्ताप सुद्धा वाढेल.

मिथुन - नव्याने ओळखी आणि परिचय करण्यासाठी आजचा दिवस चांगला आहे. मैत्रीचे बंध दृढ होतील. जवळच्या लोकांबरोबर स्नेहभोजनाचे योग आहेत.

कर्क - विविध वाहनांमधून फिरणे होईल. कामे मार्गी लागतील. आपल्या वरिष्ठ व्यक्तीकडून आपले कौतुक होईल. कदाचित बढतीचे योगही दिसत आहेत. दिवस चांगला आहे .

सिंह - मोठ्या प्रवासाचे योग आहेत. कदाचित धार्मिक क्षेत्री भेटी देणे होईल. नातवंड सौख्याला दिवस उत्तम आहे. समाजामध्ये आपली एक चांगली पत आज निर्माण होईल. विशेष सन्मान होतील.

कन्या - बुद्धी चातुर्य असणारी आपली रास आहे. आज मात्र कोणत्याही गोष्टी ढिलाई करून चालणार नाही. बेसावध राहू नका. एखाद्या गोष्टीत अडकण्याची शक्यता आहे. अधिक पैशाचा मोह आज बरा नव्हे.

तूळ - जोडीदाराबरोबर सौख्य अनुभवाल. नव्याने काहीतरी खरेदी होईल. एकमेकांच्या अनुमतीने संसाराची पुढील वाट सुकर होईल. व्यावसायिक क्षेत्रातही चांगली घोडदौड आज राहील. कोर्ट कचेरीची कामे योग्य पार पडतील.

वृश्चिक - अबोला असूनही प्रेम लाभेल. अनेक दिवस गुंता न सुटलेल्या गोष्टी आज सहज सुटतील. आपल्याला खूप खंबीर राहावे लागेल. हितशत्रूंचा त्रास आहे पण त्यावर मात करावी लागेल. आपले, परके ओळखून पुढे गेलात तर दिवस चांगला आहे.

धनु - "छडी लागे छम छम, विद्या येई घमघम" असा काहीसा दिवस आहे.अभ्यासासाठी विशेष परिश्रम घ्यावे लागतील तर चांगले यश मिळेल. उपासनेला दिवस चांगला आहे. दत्तगुरूंची विशेष कृपा आपल्यावर आज राहील.

मकर - जुन्याचे नवे करण्यासाठी आज विशेषत्वाने झटाल. घरामध्ये काही नाविन्यपूर्ण गोष्टींचे आगमन होईल. जुन्या गोष्टी लयाला जातील. काहीतरी नवीन उर्मी घेऊन आलेला आजचा दिवस आहे. शेतीच्या कामात प्रगती होईल.

कुंभ - भावंडसौख्य चांगले आहे. जवळचे प्रवास होतील. जुने पत्रव्यवहार मार्गी लागून कामे सुरळीत होतील. शेजारील व्यक्तींचे योग्य ते सहकार्य आज आपल्याला लाभेल.

मीन - गोडधोड खाण्याचे योग आहेत. कुटुंबीयांचे सहकार्य आज चांगले लाभेल. धनदायी असा दिवस आहे. काही दिवस असे येतात - की असा विचार येतो, आयुष्यात आपल्याला कशाचीच कमी नाही. तो आजचा दिवस आहे .