Tuesday Horoscope : लाडका गणपती भक्तांवर प्रसन्न होणार; वृषभसह ५ राशींच्या आयुष्यात भाग्यकारक घटना घडणार

आजचे पंचांग

मंगळवार,२ सप्टेंबर २०२५,भाद्रपद शुक्लपक्ष,गौरी विसर्जन.

तिथी-दशमी २७|५३

रास- धनु

नक्षत्र-मूळ

योग-प्रीतियोग

करण-तैतिल

दिनविशेष-चांगला दिवस

मेष - गणेश उपासना विशेष फलदायी ठरेल. दैनंदिन कामे सुकर मार्गी लागणार आहेत. मोठ्या प्रवासाचे आयोजन, नियोजन करत असाल तर आज त्यामध्ये यश आहे.

वृषभ - विनाकारण मतभेद,वाद कोणाशीही टाळावेत. हाती घेतलेला कामांमध्ये अडचणी येण्याची शक्यता आहे. कामे रखडतील. दुपारनंतर केलेली जास्त फायद्याचे ठरेल.

मिथुन - भागीदारी व्यवसायामध्ये सुयश लाभणार आहे. मानसिक स्वास्थ आणि समाधानामुळे कामावर विशेषत्वाने फोकस कराल. दिवस चांगला आहे.

कर्क - हितशत्रूंचा त्रास संभवतो आहे. वेळ आणि पैसा मात्र वाया जाण्याची दाट शक्यता आहे.मानसिक आजार आणि कटकटी आज वाढतील.

सिंह - आज वैचारिक परिवर्तनाचा दिवस आहे. तुमचे निर्णय आणि अंदाज अचूक ठरणार आहेत. आपली सृजनशीलता वाढेल. रवी उपासना आज फलदायी ठरेल.

कन्या - प्रॉपर्टीशी निगडित व्यवहार होतील. प्रॉपर्टीचे सौख्य लाभेल. दैनंदिन कामे मार्गी लागतील. घरामधील छोट्याशा कार्यामध्ये सहभागी व्हाल. आनंदी दिवस आहे.

तूळ - नोकरी व्यवसायामध्ये समाधानकारक स्थिती राहणार आहे. भाग्यकारक घटना घडतील. आरोग्यदायक स्थिती राहील.नवीन काही संकल्प आणि प्रतिज्ञा आज घेतल्यास यश आहे.

वृश्चिक - कौटुंबिक जीवनामध्ये सुसंवाद साधला जाईल. आर्थिक लाभाच्या दृष्टीने दिवस चांगला आहे. काही विशेष पराक्रम आपल्या हातून होतील. हिशोबांचा लेखाजोखा आज ठेवावा लागेल.

धनू - आपल्या मतांविषयी आज आग्रही राहाल. तुमच्या कार्यक्षेत्रात नव्याने संधी, प्रसिद्धी सुद्धा लाभेल. दिवस काही चांगल्या गोष्टी घेऊन आलेला आहे.

मकर - आपले महत्त्वाचे ऐवज, जिन्नस सांभाळणे आज गरजेचे आहे. वस्तू गहाळ नाही ना याची दक्षता घ्यावी. विनाकारण खर्चाचे प्रमाण वाढते राहील.

कुंभ - मित्र-मैत्रिणींच्या सहवासाने दिवस आनंदाचा असेल. हाती घेतलेल्या सर्वच कामांमध्ये आज सुयश लाभणार आहे. काळजी नसावी.

मीन - तुमच्या कार्यक्षेत्रामध्ये मानसन्मान प्रतिष्ठा लाभेल. केलेल्या कामाविषयी तुमचा आत्मविश्वास वाढेल. जवळच्या लोकांच्या सहकार्याने प्रगतीपथावर रहाल.